๒๒-๙. สนิทสฺสนตฺติก-ทสฺสนเหตุตฺติกํ

๕๖. นสนิทสฺสนสปฺปฏิฆํ นทสฺสเนน ปหาตพฺพเหตุกํ ธมฺมํ ปฏิจฺจ อนิทสฺสนอปฺปฏิโฆ ทสฺสเนน ปหาตพฺพเหตุโก ธมฺโม อุปฺปชฺชติ เหตุปจฺจยา… เหตุยา ตีณิ.

นสนิทสฺสนสปฺปฏิฆํ นภาวนาย ปหาตพฺพเหตุกํ ธมฺมํ ปฏิจฺจ อนิทสฺสนอปฺปฏิโฆ ภาวนาย ปหาตพฺพเหตุโก ธมฺโม อุปฺปชฺชติ เหตุปจฺจยา… เหตุยา ตีณิ.

นสนิทสฺสนสปฺปฏิฆํ นเนวทสฺสเนน นภาวนาย ปหาตพฺพเหตุกํ ธมฺมํ ปฏิจฺจ สนิทสฺสนสปฺปฏิโฆ เนวทสฺสเนน นภาวนาย ปหาตพฺพเหตุโก ธมฺโม อุปฺปชฺชติ เหตุปจฺจยา… เหตุยา เอกวีส.