๒๒-๑๐. สนิทสฺสนตฺติก-อาจยคามิตฺติกํ

๕๗. นสนิทสฺสนสปฺปฏิฆํ นอาจยคามึ ธมฺมํ ปจฺจยา อนิทสฺสนอปฺปฏิโฆ อาจยคามี ธมฺโม อุปฺปชฺชติ เหตุปจฺจยา… เหตุยา ตีณิ.

นสนิทสฺสนสปฺปฏิฆํ นอปจยคามึ ธมฺมํ ปจฺจยา อนิทสฺสนอปฺปฏิโฆ อปจยคามี ธมฺโม อุปฺปชฺชติ เหตุปจฺจยา… เหตุยา ตีณิ.

นสนิทสฺสนสปฺปฏิฆํ นเนวาจยคามินาปจยคามึ ธมฺมํ ปฏิจฺจ สนิทสฺสนสปฺปฏิโฆ เนวาจยคามินาปจยคามี ธมฺโม อุปฺปชฺชติ เหตุปจฺจยา… เหตุยา เอกวีส.