๗. ปญฺหาวาโร

เหตุปจฺจโย

๑๔๐. นสรโณ นสนิทสฺสนสปฺปฏิโฆ ธมฺโม อรณสฺส สนิทสฺสนสปฺปฏิฆสฺส ธมฺมสฺส เหตุปจฺจเยน ปจฺจโย. นอรโณ นสนิทสฺสนสปฺปฏิโฆ ธมฺโม อรณสฺส สนิทสฺสนสปฺปฏิฆสฺส ธมฺมสฺส เหตุปจฺจเยน ปจฺจโย.

เหตุยา เทฺว, อธิปติยา เทฺว…เป… อวิคเต ตีณิ.

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํ.)

ธมฺมปจฺจนียานุโลเม ทุกติกปฏฺฐานํ นิฏฺฐิตํ.