ธมฺมปจฺจนียานุโลเม ทุกติกปฏฺฐานํ

๑-๑. เหตุทุก-กุสลตฺติกํ

๑. นเหตุํ นกุสลํ ธมฺมํ ปจฺจยา เหตุ กุสโล ธมฺโม อุปฺปชฺชติ เหตุปจฺจยา. นเหตุํ นกุสลํ ธมฺมํ ปจฺจยา นเหตุ กุสโล ธมฺโม อุปฺปชฺชติ เหตุปจฺจยา. นเหตุํ นกุสลํ ธมฺมํ ปจฺจยา เหตุ กุสโล จ นเหตุ กุสโล จ ธมฺมา อุปฺปชฺชนฺติ เหตุปจฺจยา. เหตุยา ตีณิ.

นเหตุํ นอกุสลํ ธมฺมํ ปจฺจยา เหตุ อกุสโล ธมฺโม อุปฺปชฺชติ เหตุปจฺจยา… เหตุยา ตีณิ.

๒. นเหตุํ นอพฺยากตํ ธมฺมํ ปฏิจฺจ นเหตุ อพฺยากโต ธมฺโม อุปฺปชฺชติ เหตุปจฺจยา. นนเหตุํ นอพฺยากตํ ธมฺมํ ปฏิจฺจ นเหตุ อพฺยากโต ธมฺโม อุปฺปชฺชติ เหตุปจฺจยา. นเหตุํ นอพฺยากตญฺจ นนเหตุํ นอพฺยากตญฺจ ธมฺมํ ปฏิจฺจ นเหตุ อพฺยากโต ธมฺโม อุปฺปชฺชติ เหตุปจฺจยา. เหตุยา ตีณิ.

๒-๔-๑. สเหตุกาทิทุกานิ-กุสลตฺติกํ

๓. นสเหตุกํ นกุสลํ ธมฺมํ ปจฺจยา สเหตุโก กุสโล ธมฺโม อุปฺปชฺชติ เหตุปจฺจยา. เหตุยา เอกํ.

นสเหตุกํ นอกุสลํ ธมฺมํ ปจฺจยา สเหตุโก อกุสโล ธมฺโม อุปฺปชฺชติ เหตุปจฺจยา. เหตุยา เอกํ.

๔. นสเหตุกํ นอพฺยากตํ ธมฺมํ ปฏิจฺจ อเหตุโก อพฺยากโต ธมฺโม อุปฺปชฺชติ เหตุปจฺจยา. นอเหตุกํ นอพฺยากตํ ธมฺมํ ปฏิจฺจ อเหตุโก อพฺยากโต ธมฺโม อุปฺปชฺชติ เหตุปจฺจยา. นสเหตุกํ นอพฺยากตญฺจ นอเหตุกํ นอพฺยากตญฺจ ธมฺมํ ปฏิจฺจ อเหตุโก อพฺยากโต ธมฺโม อุปฺปชฺชติ เหตุปจฺจยา… เหตุยา ตีณิ.

๕. นเหตุสมฺปยุตฺตํ นกุสลํ ธมฺมํ ปจฺจยา….

๖. นเหตุ เจว นอเหตุโก จ นกุสโล ธมฺโม เหตุสฺส เจว สเหตุกสฺส จ กุสลสฺส ธมฺมสฺส อารมฺมณปจฺจเยน ปจฺจโย. นเหตุ เจว นอเหตุโก จ นกุสโล ธมฺโม สเหตุกสฺส เจว น จ เหตุสฺส กุสลสฺส ธมฺมสฺส อารมฺมณปจฺจเยน ปจฺจโย. นเหตุ เจว นอเหตุโก จ นกุสโล ธมฺโม เหตุสฺส เจว สเหตุกสฺส กุสลสฺส จ สเหตุกสฺส เจว น จ เหตุสฺส กุสลสฺส จ ธมฺมสฺส อารมฺมณปจฺจเยน ปจฺจโย. ตีณิ.

นอเหตุโก เจว นน จ เหตุ นกุสโล ธมฺโม เหตุสฺส เจว สเหตุกสฺส จ กุสลสฺส ธมฺมสฺส อารมฺมณปจฺจเยน ปจฺจโย… ตีณิ.

นเหตุ เจว นอเหตุโก นกุสโล จ นอเหตุโก เจว นนเหตุ นกุสโล จ ธมฺมา เหตุสฺส เจว สเหตุกสฺส จ กุสลสฺส ธมฺมสฺส อารมฺมณปจฺจเยน ปจฺจโย… ตีณิ. (สพฺพตฺถ นว ปญฺหา.)

๗. นเหตุ เจว นอเหตุโก จ นอกุสโล ธมฺโม เหตุสฺส เจว สเหตุกสฺส จ อกุสลสฺส ธมฺมสฺส อารมฺมณปจฺจเยน ปจฺจโย (สํขิตฺตํ, นว ปญฺหา).

นเหตุ เจว นอเหตุโก จ นอพฺยากโต ธมฺโม เหตุสฺส เจว สเหตุกสฺส จ อพฺยากตสฺส ธมฺมสฺส อารมฺมณปจฺจเยน ปจฺจโย… ตีณิ. (นว ปญฺหา.)

๕-๑. เหตุเหตุสมฺปยุตฺตทุก-กุสลตฺติกํ

๘. นเหตุ เจว นเหตุวิปฺปยุตฺโต จ นกุสโล ธมฺโม เหตุสฺส เจว เหตุสมฺปยุตฺตสฺส จ กุสลสฺส ธมฺมสฺส อารมฺมณปจฺจเยน ปจฺจโย (สํขิตฺตํ, นว ปญฺหา กาตพฺพา).

นเหตุ เจว นเหตุวิปฺปยุตฺโต จ นอกุสโล ธมฺโม เหตุสฺส เจว เหตุสมฺปยุตฺตสฺส จ อกุสลสฺส ธมฺมสฺส อารมฺมณปจฺจเยน ปจฺจโย (สํขิตฺตํ, นว ปญฺหา กาตพฺพา).

นเหตุ เจว นเหตุวิปฺปยุตฺโต จ นอพฺยากโต ธมฺโม เหตุสฺส เจว เหตุสมฺปยุตฺตสฺส จ อพฺยากตสฺส ธมฺมสฺส อารมฺมณปจฺจเยน ปจฺจโย… ตีณิ. (นว ปญฺหา กาตพฺพา.)

๖-๑. นเหตุสเหตุกทุก-กุสลตฺติกํ

๙. นเหตุํ นสเหตุกํ นกุสลํ ธมฺมํ ปจฺจยา นเหตุ สเหตุโก กุสโล ธมฺโม อุปฺปชฺชติ เหตุปจฺจยา. เหตุยา เอกํ.

นเหตุํ นสเหตุกํ นอกุสลํ ธมฺมํ ปจฺจยา นเหตุ สเหตุโก อกุสโล ธมฺโม อุปฺปชฺชติ เหตุปจฺจยา. เหตุยา เอกํ.

นเหตุํ นอเหตุกํ นอพฺยากตํ ธมฺมํ ปฏิจฺจ นเหตุ อเหตุโก อพฺยากโต ธมฺโม อุปฺปชฺชติ เหตุปจฺจยา. เหตุยา เอกํ.

๗-๑๓-๑. จูฬนฺตรทุกานิ-กุสลตฺติกํ

๑๐. นอปฺปจฺจยํ นกุสลํ ธมฺมํ ปจฺจยา สปฺปจฺจโย กุสโล ธมฺโม อุปฺปชฺชติ เหตุปจฺจยา. เหตุยา เอกํ.

นอปฺปจฺจยํ นอกุสลํ ธมฺมํ ปจฺจยา สปฺปจฺจโย อกุสโล ธมฺโม อุปฺปชฺชติ เหตุปจฺจยา. เหตุยา เอกํ.

นอปฺปจฺจยํ นอพฺยากตํ ธมฺมํ ปฏิจฺจ สปฺปจฺจโย อพฺยากโต ธมฺโม อุปฺปชฺชติ เหตุปจฺจยา. เหตุยา เอกํ.

๑๑. นอสงฺขตํ…เป… (สปฺปจฺจยทุกสทิสํ).

๑๒. นสนิทสฺสนํ นกุสลํ ธมฺมํ ปจฺจยา อนิทสฺสโน กุสโล ธมฺโม อุปฺปชฺชติ เหตุปจฺจยา. เหตุยา เอกํ.

นสนิทสฺสนํ นอกุสลํ ธมฺมํ ปจฺจยา อนิทสฺสโน อกุสโล ธมฺโม อุปฺปชฺชติ เหตุปจฺจยา. เหตุยา เอกํ.

นสนิทสฺสนํ นอพฺยากตํ ธมฺมํ ปฏิจฺจ สนิทสฺสโน อพฺยากโต ธมฺโม อุปฺปชฺชติ เหตุปจฺจยา. นสนิทสฺสนํ นอพฺยากตํ ธมฺมํ ปฏิจฺจ อนิทสฺสโน อพฺยากโต ธมฺโม อุปฺปชฺชติ เหตุปจฺจยา. นสนิทสฺสนํ นอพฺยากตํ ธมฺมํ ปฏิจฺจ สนิทสฺสโน อพฺยากโต จ อนิทสฺสโน อพฺยากโต จ ธมฺมา อุปฺปชฺชนฺติ เหตุปจฺจยา. (๓) …เหตุยา ตีณิ.

๑๓. นสปฺปฏิฆํ นกุสลํ ธมฺมํ ปจฺจยา อปฺปฏิโฆ กุสโล ธมฺโม อุปฺปชฺชติ เหตุปจฺจยา.

๑๔. นอรูปึ นกุสลํ ธมฺมํ ปจฺจยา อรูปี กุสโล ธมฺโม อุปฺปชฺชติ เหตุปจฺจยา. เหตุยา เอกํ.

นอรูปึ นอกุสลํ ธมฺมํ ปจฺจยา อรูปี อกุสโล ธมฺโม อุปฺปชฺชติ เหตุปจฺจยา. เหตุยา เอกํ.

นรูปึ นอพฺยากตํ ธมฺมํ ปฏิจฺจ รูปี อพฺยากโต ธมฺโม อุปฺปชฺชติ เหตุปจฺจยา. เหตุยา เอกํ.

๑๕. นโลกุตฺตรํ นกุสลํ ธมฺมํ ปจฺจยา โลกิโย กุสโล ธมฺโม อุปฺปชฺชติ เหตุปจฺจยา. นโลกุตฺตรํ นกุสลํ ธมฺมํ ปจฺจยา โลกุตฺตโร กุสโล ธมฺโม อุปฺปชฺชติ เหตุปจฺจยา. เหตุยา เทฺว.

นโลกุตฺตรํ นอกุสลํ ธมฺมํ ปจฺจยา โลกิโย อกุสโล ธมฺโม อุปฺปชฺชติ เหตุปจฺจยา. เหตุยา เอกํ.

นโลกิยํ นอพฺยากตํ ธมฺมํ ปฏิจฺจ โลกิโย อพฺยากโต ธมฺโม อุปฺปชฺชติ เหตุปจฺจยา. นโลกุตฺตรํ นอพฺยากตํ ธมฺมํ ปฏิจฺจ โลกิโย อพฺยากโต ธมฺโม อุปฺปชฺชติ เหตุปจฺจยา. เหตุยา เทฺว.

๑๖. นเกนจิ วิญฺเญยฺยํ นกุสลํ ธมฺมํ ปจฺจยา เกนจิ วิญฺเญยฺโย กุสโล ธมฺโม อุปฺปชฺชติ เหตุปจฺจยา… ตีณิ.

นเกนจิ นวิญฺเญยฺยํ นกุสลํ ธมฺมํ ปจฺจยา เกนจิ นวิญฺเญยฺโย กุสโล ธมฺโม อุปฺปชฺชติ เหตุปจฺจยา… ตีณิ.

นเกนจิ วิญฺเญยฺยํ นกุสลญฺจ นเกนจิ นวิญฺเญยฺยํ นกุสลญฺจ ธมฺมํ ปจฺจยา เกนจิ วิญฺเญยฺโย กุสโล ธมฺโม อุปฺปชฺชติ เหตุปจฺจยา… ตีณิ. (สพฺพตฺถ นว.)

นเกนจิ วิญฺเญยฺยํ นอกุสลํ ธมฺมํ ปจฺจยา เกนจิ วิญฺเญยฺโย อกุสโล ธมฺโม อุปฺปชฺชติ เหตุปจฺจยา. นเกนจิ นวิญฺเญยฺยํ นอกุสลํ ธมฺมํ ปจฺจยา เกนจิ นวิญฺเญยฺโย อกุสโล ธมฺโม อุปฺปชฺชติ เหตุปจฺจยา… เหตุยา นว.

นเกนจิ วิญฺเญยฺยํ นอพฺยากตํ ธมฺมํ ปฏิจฺจ เกนจิ วิญฺเญยฺโย อพฺยากโต ธมฺโม อุปฺปชฺชติ เหตุปจฺจยา… เหตุยา นว.

๑๔-๑. อาสวทุก-กุสลตฺติกํ

๑๗. นอาสวํ นกุสลํ ธมฺมํ ปจฺจยา โนอาสโว กุสโล ธมฺโม อุปฺปชฺชติ เหตุปจฺจยา. เหตุยา เอกํ.

นอาสวํ นอกุสลํ ธมฺมํ ปจฺจยา อาสโว อกุสโล ธมฺโม อุปฺปชฺชติ เหตุปจฺจยา… เหตุยา ตีณิ.

นอาสวํ นอพฺยากตํ ธมฺมํ ปฏิจฺจ โนอาสโว อพฺยากโต ธมฺโม อุปฺปชฺชติ เหตุปจฺจยา. นโนอาสวํ นอพฺยากตํ ธมฺมํ ปฏิจฺจ โนอาสโว อพฺยากโต ธมฺโม อุปฺปชฺชติ เหตุปจฺจยา. (ทุกมูลกํ เอกํ.)… เหตุยา ตีณิ.

๑๕-๑. สาสวทุก-กุสลตฺติกํ

๑๘. นอนาสวํ นกุสลํ ธมฺมํ ปจฺจยา อนาสโว กุสโล ธมฺโม อุปฺปชฺชติ เหตุปจฺจยา. นอนาสวํ นกุสลํ ธมฺมํ ปจฺจยา สาสโว กุสโล ธมฺโม อุปฺปชฺชติ เหตุปจฺจยา. เหตุยา เทฺว.

นอนาสวํ นอกุสลํ ธมฺมํ ปจฺจยา สาสโว อกุสโล ธมฺโม อุปฺปชฺชติ เหตุปจฺจยา. เหตุยา เอกํ.

๑๖-๑. อาสวสมฺปยุตฺตทุก-กุสลตฺติกํ

๑๙. นอาสวสมฺปยุตฺตํ นกุสลํ ธมฺมํ ปจฺจยา อาสววิปฺปยุตฺโต กุสโล ธมฺโม อุปฺปชฺชติ เหตุปจฺจยา. เหตุยา เอกํ.

นอาสวสมฺปยุตฺตํ นอกุสลํ ธมฺมํ ปจฺจยา อาสวสมฺปยุตฺโต อกุสโล ธมฺโม อุปฺปชฺชติ เหตุปจฺจยา… เหตุยา ตีณิ.

นอาสวสมฺปยุตฺตํ นอพฺยากตํ ธมฺมํ ปฏิจฺจ อาสววิปฺปยุตฺโต อพฺยากโต ธมฺโม อุปฺปชฺชติ เหตุปจฺจยา… เหตุยา ตีณิ.

๑๗-๑. อาสวสาสวทุก-กุสลตฺติกํ

๒๐. นอาสวญฺเจว นอนาสวญฺจ นกุสลํ ธมฺมํ ปจฺจยา สาสโว เจว โนอาสโว จ กุสโล ธมฺโม อุปฺปชฺชติ เหตุปจฺจยา. เหตุยา เอกํ.

นอาสวญฺเจว นอนาสวญฺจ นอกุสลํ ธมฺมํ ปจฺจยา อาสโว เจว สาสโว จ อกุสโล ธมฺโม อุปฺปชฺชติ เหตุปจฺจยา… เหตุยา ตีณิ.

นอาสวญฺเจว นอนาสวญฺจ นอพฺยากตํ ธมฺมํ ปฏิจฺจ สาสโว เจว โน จ อาสโว อพฺยากโต ธมฺโม อุปฺปชฺชติ เหตุปจฺจยา… เหตุยา ตีณิ.

(อาสวอาสวสมฺปยุตฺตทุกํ นตฺถิ.)

๑๙-๑. อาสววิปฺปยุตฺตสาสวทุก-กุสลตฺติกํ

๒๑. อาสววิปฺปยุตฺตํ นอนาสวํ นกุสลํ ธมฺมํ ปจฺจยา อาสววิปฺปยุตฺโต อนาสโว กุสโล ธมฺโม อุปฺปชฺชติ เหตุปจฺจยา. อาสววิปฺปยุตฺตํ นอนาสวํ นกุสลํ ธมฺมํ ปจฺจยา อาสววิปฺปยุตฺโต สาสโว กุสโล ธมฺโม อุปฺปชฺชติ เหตุปจฺจยา. เหตุยา เทฺว.

อาสววิปฺปยุตฺตํ นอนาสวํ นอกุสลํ ธมฺมํ ปจฺจยา อาสววิปฺปยุตฺโต สาสโว อกุสโล ธมฺโม อุปฺปชฺชติ เหตุปจฺจยา. เหตุยา เอกํ.

อาสววิปฺปยุตฺตํ นสาสวํ นอพฺยากตํ ธมฺมํ ปฏิจฺจ อาสววิปฺปยุตฺโต สาสโว อพฺยากโต ธมฺโม อุปฺปชฺชติ เหตุปจฺจยา. อาสววิปฺปยุตฺตํ นอนาสวํ นอพฺยากตํ ธมฺมํ ปฏิจฺจ อาสววิปฺปยุตฺโต สาสโว อพฺยากโต ธมฺโม อุปฺปชฺชติ เหตุปจฺจยา. เหตุยา เทฺว.

๒๐-๕๔-๑. สญฺโญชนาทิฉโคจฺฉกานิ-กุสลตฺติกํ

๒๒. นสญฺโญชนํ นอกุสลํ ธมฺมํ ปจฺจยา สญฺโญชโน อกุสโล ธมฺโม อุปฺปชฺชติ เหตุปจฺจยา… เหตุยา ตีณิ.

๒๓. นคนฺถํ นอกุสลํ ธมฺมํ ปจฺจยา คนฺโถ อกุสโล ธมฺโม อุปฺปชฺชติ เหตุปจฺจยา… เหตุยา ตีณิ.

๒๔. นโอฆํ นอกุสลํ ธมฺมํ ปจฺจยา โอโฆ อกุสโล ธมฺโม อุปฺปชฺชติ เหตุปจฺจยา… เหตุยา ตีณิ.

๒๕. นโยคํ นอกุสลํ ธมฺมํ ปจฺจยา โยโค อกุสโล ธมฺโม อุปฺปชฺชติ เหตุปจฺจยา… เหตุยา ตีณิ.

๒๖. นนีวรณํ นอกุสลํ ธมฺมํ ปจฺจยา นีวรโณ อกุสโล ธมฺโม อุปฺปชฺชติ เหตุปจฺจยา… เหตุยา ตีณิ.

๒๗. นปรามาสํ นอกุสลํ ธมฺมํ ปจฺจยา ปรามาโส อกุสโล ธมฺโม อุปฺปชฺชติ เหตุปจฺจยา… เหตุยา ตีณิ.

๕๕-๖๘-๑. มหนฺตรทุกานิ-กุสลตฺติกํ

๒๘. นสารมฺมณํ นกุสลํ ธมฺมํ ปจฺจยา สารมฺมโณ กุสโล ธมฺโม อุปฺปชฺชติ เหตุปจฺจยา. เหตุยา เอกํ.

นสารมฺมณํ นอกุสลํ ธมฺมํ ปจฺจยา สารมฺมโณ อกุสโล ธมฺโม อุปฺปชฺชติ เหตุปจฺจยา. เหตุยา เอกํ.

นอนารมฺมณํ นอพฺยากตํ ธมฺมํ ปฏิจฺจ อนารมฺมโณ อพฺยากโต ธมฺโม อุปฺปชฺชติ เหตุปจฺจยา. เหตุยา เอกํ.

๒๙. โนจิตฺตํ นกุสลํ ธมฺมํ ปจฺจยา จิตฺโต กุสโล ธมฺโม อุปฺปชฺชติ เหตุปจฺจยา… เหตุยา ตีณิ. (นอกุสเล ตีณิ. นอพฺยากเต ตีณิ. สํขิตฺตํ.)

๓๐. นเจตสิกํ นกุสลํ ธมฺมํ ปจฺจยา เจตสิโก กุสโล ธมฺโม อุปฺปชฺชติ เหตุปจฺจยา… เหตุยา ตีณิ.

๓๑. นจิตฺตสมฺปยุตฺตํ นกุสลํ ธมฺมํ ปจฺจยา จิตฺตสมฺปยุตฺโต กุสโล ธมฺโม อุปฺปชฺชติ เหตุปจฺจยา. เหตุยา เอกํ.

๓๒. นจิตฺตสํสฏฺฐํ นกุสลํ ธมฺมํ ปจฺจยา จิตฺตสํสฏฺโฐ กุสโล ธมฺโม อุปฺปชฺชติ เหตุปจฺจยา. เหตุยา เอกํ.

๓๓. นจิตฺตสมุฏฺฐานํ นกุสลํ ธมฺมํ ปจฺจยา จิตฺตสมุฏฺฐาโน กุสโล ธมฺโม อุปฺปชฺชติ เหตุปจฺจยา… เหตุยา ตีณิ.

๓๔. นจิตฺตสหภุํ นกุสลํ ธมฺมํ ปจฺจยา จิตฺตสหภู กุสโล ธมฺโม อุปฺปชฺชติ เหตุปจฺจยา… เหตุยา ตีณิ.

๓๕. นจิตฺตานุปริวตฺตึ นกุสลํ ธมฺมํ ปจฺจยา จิตฺตานุปริวตฺตี กุสโล ธมฺโม อุปฺปชฺชติ เหตุปจฺจยา… เหตุยา ตีณิ.

๓๖. นจิตฺตสํสฏฺฐสมุฏฺฐานํ นกุสลํ ธมฺมํ ปจฺจยา จิตฺตสํสฏฺฐสมุฏฺฐาโน กุสโล ธมฺโม อุปฺปชฺชติ เหตุปจฺจยา… เหตุยา ตีณิ.

๓๗. นจิตฺตสํสฏฺฐสมุฏฺฐานสหภุํ นกุสลํ ธมฺมํ ปจฺจยา จิตฺตสํสฏฺฐสมุฏฺฐานสหภู กุสโล ธมฺโม อุปฺปชฺชติ เหตุปจฺจยา… เหตุยา ตีณิ.

๓๘. นจิตฺตสํสฏฺฐสมุฏฺฐานานุปริวตฺตึ นกุสลํ ธมฺมํ ปจฺจยา จิตฺตสํสฏฺฐสมุฏฺฐานานุปริวตฺตี กุสโล ธมฺโม อุปฺปชฺชติ เหตุปจฺจยา… เหตุยา ตีณิ.

๓๙. นอชฺฌตฺติกํ นกุสลํ ธมฺมํ ปจฺจยา อชฺฌตฺติโก กุสโล ธมฺโม อุปฺปชฺชติ เหตุปจฺจยา… เหตุยา ตีณิ.

๔๐. นโนอุปาทา นกุสลํ ธมฺมํ ปจฺจยา โนอุปาทา กุสโล ธมฺโม อุปฺปชฺชติ เหตุปจฺจยา. เหตุยา เอกํ.

๔๑. นอนุปาทินฺนํ นกุสลํ ธมฺมํ ปจฺจยา อนุปาทินฺโน กุสโล ธมฺโม อุปฺปชฺชติ เหตุปจฺจยา. เหตุยา เอกํ.

๖๙-๗๔-๑. อุปาทานทุกาทิ-กุสลตฺติกํ

๔๒. นอุปาทานํ นอกุสลํ ธมฺมํ ปจฺจยา อุปาทาโน อกุสโล ธมฺโม อุปฺปชฺชติ เหตุปจฺจยา… เหตุยา ตีณิ.

๗๕-๘๒-๑. กิเลสทุกาทิ-กุสลตฺติกํ

๔๓. นกิเลสํ นอกุสลํ ธมฺมํ ปจฺจยา กิเลโส อกุสโล ธมฺโม อุปฺปชฺชติ เหตุปจฺจยา… เหตุยา ตีณิ.

๘๓-๑๐๐-๑. ปิฏฺฐิทุกานิ-กุสลตฺติกํ

๔๔. นทสฺสเนน ปหาตพฺพํ นกุสลํ ธมฺมํ ปจฺจยา นทสฺสเนน ปหาตพฺโพ กุสโล ธมฺโม อุปฺปชฺชติ เหตุปจฺจยา. เหตุยา เอกํ.

นทสฺสเนน ปหาตพฺพํ นอกุสลํ ธมฺมํ ปจฺจยา ทสฺสเนน ปหาตพฺโพ อกุสโล ธมฺโม อุปฺปชฺชติ เหตุปจฺจยา. นทสฺสเนน ปหาตพฺพํ นอกุสลํ ธมฺมํ ปจฺจยา นทสฺสเนน ปหาตพฺโพ อกุสโล ธมฺโม อุปฺปชฺชติ เหตุปจฺจยา. เหตุยา เทฺว.

นทสฺสเนน ปหาตพฺพํ นอพฺยากตํ ธมฺมํ ปฏิจฺจ นทสฺสเนน ปหาตพฺโพ อพฺยากโต ธมฺโม อุปฺปชฺชติ เหตุปจฺจยา. นนทสฺสเนน ปหาตพฺพํ นอพฺยากตํ ธมฺมํ ปฏิจฺจ นทสฺสเนน ปหาตพฺโพ อพฺยากโต ธมฺโม อุปฺปชฺชติ เหตุปจฺจยา. เหตุยา เทฺว.

๔๕. นภาวนาย ปหาตพฺพํ นกุสลํ ธมฺมํ ปจฺจยา นภาวนาย ปหาตพฺโพ กุสโล ธมฺโม อุปฺปชฺชติ เหตุปจฺจยา. เหตุยา เอกํ.

๔๖. นทสฺสเนน ปหาตพฺพเหตุกํ นกุสลํ ธมฺมํ ปจฺจยา นทสฺสเนน ปหาตพฺพเหตุโก กุสโล ธมฺโม อุปฺปชฺชติ เหตุปจฺจยา. เหตุยา เอกํ.

๔๗. นภาวนาย ปหาตพฺพเหตุกํ นกุสลํ ธมฺมํ ปจฺจยา นภาวนาย ปหาตพฺพเหตุโก กุสโล ธมฺโม อุปฺปชฺชติ เหตุปจฺจยา. เหตุยา เอกํ.

๔๘. นสวิตกฺกํ นกุสลํ ธมฺมํ ปจฺจยา สวิตกฺโก กุสโล ธมฺโม อุปฺปชฺชติ เหตุปจฺจยา… เหตุยา ตีณิ.

๔๙. นสวิจารํ นกุสลํ ธมฺมํ ปจฺจยา สวิจาโร กุสโล ธมฺโม อุปฺปชฺชติ เหตุปจฺจยา… เหตุยา ตีณิ.

๕๐. นสปฺปีติกํ นกุสลํ ธมฺมํ ปจฺจยา สปฺปีติโก กุสโล ธมฺโม อุปฺปชฺชติ เหตุปจฺจยา… เหตุยา ตีณิ.

๕๑. นปีติสหคตํ นกุสลํ ธมฺมํ ปจฺจยา ปีติสหคโต กุสโล ธมฺโม อุปฺปชฺชติ เหตุปจฺจยา… เหตุยา ตีณิ.

๕๒. นสุขสหคตํ นกุสลํ ธมฺมํ ปจฺจยา สุขสหคโต กุสโล ธมฺโม อุปฺปชฺชติ เหตุปจฺจยา… เหตุยา ตีณิ.

๕๓. นอุเปกฺขาสหคตํ นกุสลํ ธมฺมํ ปจฺจยา อุเปกฺขาสหคโต กุสโล ธมฺโม อุปฺปชฺชติ เหตุปจฺจยา… เหตุยา ตีณิ.

๕๔. นนกามาวจรํ นกุสลํ ธมฺมํ ปจฺจยา นกามาวจโร กุสโล ธมฺโม อุปฺปชฺชติ เหตุปจฺจยา. นนกามาวจรํ นกุสลํ ธมฺมํ ปจฺจยา กามาวจโร กุสโล ธมฺโม อุปฺปชฺชติ เหตุปจฺจยา. เหตุยา เทฺว.

๕๕. นรูปาวจรํ นกุสลํ ธมฺมํ ปจฺจยา รูปาวจโร กุสโล ธมฺโม อุปฺปชฺชติ เหตุปจฺจยา. นรูปาวจรํ นกุสลํ ธมฺมํ ปจฺจยา นรูปาวจโร กุสโล ธมฺโม อุปฺปชฺชติ เหตุปจฺจยา. เหตุยา เทฺว.

๕๖. นอรูปาวจรํ นกุสลํ ธมฺมํ ปจฺจยา อรูปาวจโร กุสโล ธมฺโม อุปฺปชฺชติ เหตุปจฺจยา. นอรูปาวจรํ นกุสลํ ธมฺมํ ปจฺจยา นอรูปาวจโร กุสโล ธมฺโม อุปฺปชฺชติ เหตุปจฺจยา. เหตุยา เทฺว.

๕๗. นอปริยาปนฺนํ นกุสลํ ธมฺมํ ปจฺจยา อปริยาปนฺโน กุสโล ธมฺโม อุปฺปชฺชติ เหตุปจฺจยา. นอปริยาปนฺนํ นกุสลํ ธมฺมํ ปจฺจยา ปริยาปนฺโน กุสโล ธมฺโม อุปฺปชฺชติ เหตุปจฺจยา. เหตุยา เทฺว.

๕๘. นนิยฺยานิกํ นกุสลํ ธมฺมํ ปจฺจยา นิยฺยานิโก กุสโล ธมฺโม อุปฺปชฺชติ เหตุปจฺจยา. นนิยฺยานิกํ นกุสลํ ธมฺมํ ปจฺจยา นอนิยฺยานิโก กุสโล ธมฺโม อุปฺปชฺชติ เหตุปจฺจยา. เหตุยา เทฺว.

๕๙. นนิยตํ นกุสลํ ธมฺมํ ปจฺจยา นิยโต กุสโล ธมฺโม อุปฺปชฺชติ เหตุปจฺจยา. นนิยตํ นกุสลํ ธมฺมํ ปจฺจยา อนิยโต กุสโล ธมฺโม อุปฺปชฺชติ เหตุปจฺจยา. เหตุยา เทฺว.

๖๐. นอนุตฺตรํ นกุสลํ ธมฺมํ ปจฺจยา อนุตฺตโร กุสโล ธมฺโม อุปฺปชฺชติ เหตุปจฺจยา. นอนุตฺตรํ นกุสลํ ธมฺมํ ปจฺจยา สอุตฺตโร กุสโล ธมฺโม อุปฺปชฺชติ เหตุปจฺจยา. เหตุยา เทฺว.

๖๑. นสรณํ นกุสลํ ธมฺมํ ปจฺจยา อรโณ กุสโล ธมฺโม อุปฺปชฺชติ เหตุปจฺจยา. เหตุยา เอกํ.

นสรณํ นอกุสลํ ธมฺมํ ปจฺจยา สรโณ อกุสโล ธมฺโม อุปฺปชฺชติ เหตุปจฺจยา. เหตุยา เอกํ.

นสรณํ นอพฺยากตํ ธมฺมํ ปฏิจฺจ อรโณ อพฺยากโต ธมฺโม อุปฺปชฺชติ เหตุปจฺจยา. นอรณํ นอพฺยากตํ ธมฺมํ ปฏิจฺจ อรโณ อพฺยากโต ธมฺโม อุปฺปชฺชติ เหตุปจฺจยา. เหตุยา เทฺว.

๑-๒. เหตุทุก-เวทนาตฺติกํ

๖๒. นเหตุํ นสุขาย เวทนาย สมฺปยุตฺตํ ธมฺมํ ปฏิจฺจ เหตุ สุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. นเหตุํ นสุขาย เวทนาย สมฺปยุตฺตํ ธมฺมํ ปฏิจฺจ นเหตุ สุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. นเหตุํ นสุขาย เวทนาย สมฺปยุตฺตํ ธมฺมํ ปฏิจฺจ เหตุ สุขาย เวทนาย สมฺปยุตฺโต จ นเหตุ สุขาย เวทนาย สมฺปยุตฺโต จ ธมฺมา อุปฺปชฺชนฺติ เหตุปจฺจยา. เหตุยา ตีณิ. นเหตุ นทุกฺขาย เวทนาย สมฺปยุตฺตมูลํ ตีณิเยว.

นเหตุํ นอทุกฺขมสุขาย เวทนาย สมฺปยุตฺตํ ธมฺมํ ปฏิจฺจ เหตุ อทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา… เหตุยา ตีณิ.

๑-๓. เหตุทุก-วิปากตฺติกํ

๖๓. นเหตุํ นวิปากํ ธมฺมํ ปฏิจฺจ เหตุ วิปาโก ธมฺโม อุปฺปชฺชติ เหตุปจฺจยา… เหตุยา ตีณิ.

นเหตุํ นวิปากธมฺมธมฺมํ ปจฺจยา เหตุ วิปากธมฺมธมฺโม อุปฺปชฺชติ เหตุปจฺจยา… เหตุยา ตีณิ.

นเหตุํ นเนววิปากนวิปากธมฺมธมฺมํ ปฏิจฺจ นเหตุ เนววิปากนวิปากธมฺมธมฺโม อุปฺปชฺชติ เหตุปจฺจยา… เหตุยา ตีณิ.

๑-๔. เหตุทุก-อุปาทินฺนตฺติกํ

๖๔. นเหตุ นอุปาทินฺนุปาทานิโย ธมฺโม เหตุสฺส อุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย. นเหตุ นอุปาทินฺนุปาทานิโย ธมฺโม นเหตุสฺส อุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย. นเหตุ นอุปาทินฺนุปาทานิโย ธมฺโม เหตุสฺส อุปาทินฺนุปาทานิยสฺส จ นเหตุสฺส อุปาทินฺนุปาทานิยสฺส จ ธมฺมสฺส อารมฺมณปจฺจเยน ปจฺจโย. (๓)

นนเหตุ นอุปาทินฺนุปาทานิโย ธมฺโม นเหตุสฺส อุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย… ตีณิ.

นเหตุ นอุปาทินฺนุปาทานิโย จ นนเหตุ นอุปาทินฺนุปาทานิโย จ ธมฺมา เหตุสฺส อุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย… ตีณิ. (นว ปญฺหา สํขิตฺตํ.)

นเหตุํ นอนุปาทินฺนุปาทานิยํ ธมฺมํ ปจฺจยา เหตุ อนุปาทินฺนุปาทานิโย ธมฺโม อุปฺปชฺชติ เหตุปจฺจยา… เหตุยา ตีณิ.

นเหตุํ นอนุปาทินฺนอนุปาทานิยํ ธมฺมํ ปจฺจยา เหตุ อนุปาทินฺนอนุปาทานิโย ธมฺโม อุปฺปชฺชติ เหตุปจฺจยา… เหตุยา ตีณิ.

๑-๕. เหตุทุก-สํกิลิฏฺฐตฺติกํ

๖๕. นเหตุํ นสํกิลิฏฺฐสํกิเลสิกํ ธมฺมํ ปจฺจยา เหตุ สํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา… เหตุยา ตีณิ.

นเหตุํ นอสํกิลิฏฺฐสํกิเลสิกํ ธมฺมํ ปฏิจฺจ นเหตุ อสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา… เหตุยา ตีณิ.

นเหตุํ นอสํกิลิฏฺฐอสํกิเลสิกํ ธมฺมํ ปจฺจยา เหตุ อสํกิลิฏฺฐอสํกิเลสิโก ธมฺโม อุปฺปชฺชติ เหตุปจฺจยา… เหตุยา ตีณิ.

๑-๖. เหตุทุก-วิตกฺกตฺติกํ

๖๖. นเหตุํ นสวิตกฺกสวิจารํ ธมฺมํ ปฏิจฺจ เหตุ สวิตกฺกสวิจาโร ธมฺโม อุปฺปชฺชติ เหตุปจฺจยา… เหตุยา ตีณิ.

นเหตุํ นอวิตกฺกวิจารมตฺตํ ธมฺมํ ปฏิจฺจ เหตุ อวิตกฺกวิจารมตฺโต ธมฺโม อุปฺปชฺชติ เหตุปจฺจยา… เหตุยา ตีณิ.

นเหตุํ นอวิตกฺกอวิจารํ ธมฺมํ ปฏิจฺจ นเหตุ อวิตกฺกอวิจาโร ธมฺโม อุปฺปชฺชติ เหตุปจฺจยา… เหตุยา ตีณิ.

๑-๗. เหตุทุก-ปีติตฺติกํ

๖๗. นเหตุํ นปีติสหคตํ ธมฺมํ ปฏิจฺจ เหตุ ปีติสหคโต ธมฺโม อุปฺปชฺชติ เหตุปจฺจยา… เหตุยา ตีณิ.

นเหตุํ นสุขสหคตํ ธมฺมํ ปฏิจฺจ เหตุ สุขสหคโต ธมฺโม อุปฺปชฺชติ เหตุปจฺจยา… เหตุยา ตีณิ.

นเหตุํ นอุเปกฺขาสหคตํ ธมฺมํ ปฏิจฺจ เหตุ อุเปกฺขาสหคโต ธมฺโม อุปฺปชฺชติ เหตุปจฺจยา… เหตุยา ตีณิ.

๑-๘. เหตุทุก-ทสฺสนตฺติกํ

๖๘. นเหตุํ นทสฺสเนน ปหาตพฺพํ ธมฺมํ ปจฺจยา เหตุ ทสฺสเนน ปหาตพฺโพ ธมฺโม อุปฺปชฺชติ เหตุปจฺจยา… เหตุยา ตีณิ.

นเหตุํ นภาวนาย ปหาตพฺพํ ธมฺมํ ปจฺจยา เหตุ ภาวนาย ปหาตพฺโพ ธมฺโม อุปฺปชฺชติ เหตุปจฺจยา… เหตุยา ตีณิ.

๖๙. นเหตุํ นเนวทสฺสเนน นภาวนาย ปหาตพฺพํ ธมฺมํ ปฏิจฺจ นเหตุ เนวทสฺสเนน นภาวนาย ปหาตพฺโพ ธมฺโม อุปฺปชฺชติ เหตุปจฺจยา. นนเหตุํ นเนวทสฺสเนน นภาวนาย ปหาตพฺพํ ธมฺมํ ปฏิจฺจ นเหตุ เนวทสฺสเนน นภาวนาย ปหาตพฺโพ ธมฺโม อุปฺปชฺชติ เหตุปจฺจยา. (ทุกมูลํ เอกํ สํขิตฺตํ, สพฺพตฺถ ตีณิ.)

๑-๙. เหตุทุก-ทสฺสนเหตุตฺติกํ

๗๐. นนเหตุํ นทสฺสเนน ปหาตพฺพเหตุกํ ธมฺมํ ปฏิจฺจ นเหตุ ทสฺสเนน ปหาตพฺพเหตุโก ธมฺโม อุปฺปชฺชติ เหตุปจฺจยา. เหตุยา เอกํ.

นนเหตุํ นภาวนาย ปหาตพฺพเหตุกํ ธมฺมํ ปฏิจฺจ นเหตุ ภาวนาย ปหาตพฺพเหตุโก ธมฺโม อุปฺปชฺชติ เหตุปจฺจยา. เหตุยา เอกํ.

๗๑. นเหตุํ นเนวทสฺสเนน นภาวนาย ปหาตพฺพเหตุกํ ธมฺมํ ปฏิจฺจ นเหตุ เนวทสฺสเนน นภาวนาย ปหาตพฺพเหตุโก ธมฺโม อุปฺปชฺชติ เหตุปจฺจยา. นนเหตุํ นเนวทสฺสเนน นภาวนาย ปหาตพฺพเหตุกํ ธมฺมํ ปฏิจฺจ นเหตุ เนวทสฺสเนน นภาวนาย ปหาตพฺพเหตุโก ธมฺโม อุปฺปชฺชติ เหตุปจฺจยา… คณิตเกน ตีณิ.

๑-๑๐. เหตุทุก-อาจยคามิตฺติกํ

๗๒. นเหตุํ นอาจยคามึ ธมฺมํ ปจฺจยา เหตุ อาจยคามี ธมฺโม อุปฺปชฺชติ เหตุปจฺจยา… เหตุยา ตีณิ.

นเหตุํ นอปจยคามึ ธมฺมํ ปจฺจยา เหตุ อปจยคามี ธมฺโม อุปฺปชฺชติ เหตุปจฺจยา… เหตุยา ตีณิ.