๑๗-๒๒. อาสวสาสวทุกาทิ-สนิทสฺสนตฺติกํ

๙๗. นอาสวญฺเจว นอนาสวญฺจ นสนิทสฺสนสปฺปฏิฆํ ธมฺมํ ปฏิจฺจ สาสโว เจว โน จ อาสโว สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา.

นอนาสวญฺเจว นโน จ อาสวํ นสนิทสฺสนสปฺปฏิฆํ ธมฺมํ ปฏิจฺจ สาสโว เจว โน จ อาสโว สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา… คณิตเกน ตีณิ.

(นอาสวญฺเจว นอนาสวํ นอนิทสฺสนสปฺปฏิฆมูเลปิ ปุริมนเยน ตีณิเยว.)

นอาสวญฺเจว นอนาสวญฺจ นอนิทสฺสนอปฺปฏิฆํ ธมฺมํ ปฏิจฺจ สาสโว เจว โน จ อาสโว อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยา. เหตุยา เอกํ.

(อาสวอาสวสมฺปยุตฺตทุเก ปญฺหา น ลพฺภติ.)