๑๓-๒๒. เกนจิวิญฺเญยฺยทุก-สนิทสฺสนตฺติกํ

๙๓. นเกนจิ วิญฺเญยฺยํ นสนิทสฺสนสปฺปฏิฆํ ธมฺมํ ปฏิจฺจ เกนจิ วิญฺเญยฺโย สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. นเกนจิ วิญฺเญยฺยํ นสนิทสฺสนสปฺปฏิฆํ ธมฺมํ ปฏิจฺจ เกนจิ นวิญฺเญยฺโย สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. นเกนจิ วิญฺเญยฺยํ นสนิทสฺสนสปฺปฏิฆํ ธมฺมํ ปฏิจฺจ เกนจิ วิญฺเญยฺโย สนิทสฺสนสปฺปฏิโฆ จ เกนจิ นวิญฺเญยฺโย สนิทสฺสนสปฺปฏิโฆ จ ธมฺมา อุปฺปชฺชนฺติ เหตุปจฺจยา. (๓)

นเกนจิ นวิญฺเญยฺยํ นสนิทสฺสนสปฺปฏิฆํ ธมฺมํ ปฏิจฺจ… ตีณิเยว.

นเกนจิ วิญฺเญยฺยํ นสนิทสฺสนสปฺปฏิฆญฺจ นเกนจิ นวิญฺเญยฺยํ นสนิทสฺสนสปฺปฏิฆญฺจ ธมฺมํ ปฏิจฺจ… ตีณิเยว. (สพฺพตฺถ นว.)

นเกนจิ วิญฺเญยฺยํ นอนิทสฺสนสปฺปฏิฆสฺส ปุริมสทิสํ นวปญฺหํ กาตพฺพํ. นเกนจิ วิญฺเญยฺยํ นอนิทสฺสนอปฺปฏิฆมูลสฺส นวปญฺหเมว. เหตุยา นว, อธิปติยา นว…เป… อวิคเต นว.