๑๐-๒๒. สปฺปฏิฆทุก-สนิทสฺสนตฺติกํ

๙๐. นสปฺปฏิฆํ นสนิทสฺสนสปฺปฏิฆํ ธมฺมํ ปฏิจฺจ สปฺปฏิโฆ สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. เอกํ.

นอปฺปฏิฆํ นสนิทสฺสนสปฺปฏิฆํ ธมฺมํ ปฏิจฺจ สปฺปฏิโฆ สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. เอกํ.

นสปฺปฏิฆํ นสนิทสฺสนสปฺปฏิฆญฺจ นอปฺปฏิฆํ นสนิทสฺสนสปฺปฏิฆญฺจ ธมฺมํ ปฏิจฺจ สปฺปฏิโฆ สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. เอกํ. (สพฺพตฺถ ตีณิ.)

นสปฺปฏิฆํ นอนิทสฺสนสปฺปฏิฆํ ธมฺมํ ปฏิจฺจ สปฺปฏิโฆ อนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. เหตุยา เอกํ.

นอปฺปฏิฆํ นอนิทสฺสนอปฺปฏิฆํ ธมฺมํ ปฏิจฺจ อปฺปฏิโฆ อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยา. เหตุยา เอกํ.