๒-๕-๒๒. สเหตุกาทิทุกานิ-สนิทสฺสนตฺติกํ

๘๖. นสเหตุกํ นสนิทสฺสนสปฺปฏิฆํ ธมฺมํ ปฏิจฺจ อเหตุโก สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. เอกํ.

นอเหตุกํ นสนิทสฺสนสปฺปฏิฆํ ธมฺมํ ปฏิจฺจ อเหตุโก สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. เอกํ. คณิตเกน ตีณิ ปญฺหา.

(นสเหตุกนอนิทสฺสนสปฺปฏิฆมูเลปิ ตีณิเยว.)

นสเหตุกํ นอนิทสฺสนอปฺปฏิฆํ ธมฺมํ ปฏิจฺจ อเหตุโก อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยา. เหตุยา เอกํ.

(นเหตุสมฺปยุตฺตํ นสนิทสฺสนสปฺปฏิฆํ สเหตุกทุกสทิสํ. ตีณิ ปญฺหา. เหตุสเหตุกทุเก จ เหตุเหตุสมฺปยุตฺตทุเก จ ปญฺหา โน ลพฺภติ.)