๒๒-๕๕. สนิทสฺสนตฺติก-สารมฺมณทุกํ

๑๑๑. อนิทสฺสนอปฺปฏิฆํ สารมฺมณํ ธมฺมํ ปฏิจฺจ นอนิทสฺสนอปฺปฏิโฆ นสารมฺมโณ ธมฺโม อุปฺปชฺชติ เหตุปจฺจยา. อนิทสฺสนอปฺปฏิฆํ สารมฺมณํ ธมฺมํ ปฏิจฺจ นสนิทสฺสนสปฺปฏิโฆ นสารมฺมโณ ธมฺโม อุปฺปชฺชติ เหตุปจฺจยา…เป… อนิทสฺสนอปฺปฏิฆํ สารมฺมณํ ธมฺมํ ปฏิจฺจ นสนิทสฺสนสปฺปฏิโฆ นสารมฺมโณ จ นอนิทสฺสนสปฺปฏิโฆ นสารมฺมโณ จ ธมฺมา อุปฺปชฺชนฺติ เหตุปจฺจยา.

อนิทสฺสนอปฺปฏิฆํ อนารมฺมณํ ธมฺมํ ปฏิจฺจ นสนิทสฺสนสปฺปฏิโฆ นอนารมฺมโณ ธมฺโม อุปฺปชฺชติ เหตุปจฺจยา… เหตุยา ตีณิ.