๒๒-๕๖. สนิทสฺสนตฺติก-จิตฺตทุกํ

๑๑๒. อนิทสฺสนอปฺปฏิฆํ จิตฺตํ ธมฺมํ ปฏิจฺจ นอนิทสฺสนอปฺปฏิโฆ โนจิตฺโต ธมฺโม อุปฺปชฺชติ เหตุปจฺจยา. อนิทสฺสนอปฺปฏิฆํ จิตฺตํ ธมฺมํ ปฏิจฺจ นสนิทสฺสนสปฺปฏิโฆ โนจิตฺโต ธมฺโม อุปฺปชฺชติ เหตุปจฺจยา…เป… อนิทสฺสนอปฺปฏิฆํ จิตฺตํ ธมฺมํ ปฏิจฺจ นสนิทสฺสนสปฺปฏิโฆ โนจิตฺโต จ นอนิทสฺสนสปฺปฏิโฆ โนจิตฺโต จ ธมฺมา อุปฺปชฺชนฺติ เหตุปจฺจยา… เหตุยา ฉ.

อนิทสฺสนอปฺปฏิฆํ โนจิตฺตํ ธมฺมํ ปฏิจฺจ นสนิทสฺสนสปฺปฏิโฆ นโนจิตฺโต ธมฺโม อุปฺปชฺชติ เหตุปจฺจยา… เหตุยา ตีณิ.