๑-๔. กุสลตฺติก-เหตุสเหตุกทุกํ

๑๑. กุสลํ เหตุญฺเจว สเหตุกญฺจ ธมฺมํ ปฏิจฺจ นอกุสโล นเหตุ เจว นอเหตุโก จ ธมฺโม อุปฺปชฺชติ เหตุปจฺจยา. กุสลํ เหตุญฺเจว สเหตุกญฺจ ธมฺมํ ปฏิจฺจ นอพฺยากโต นเหตุ เจว นอเหตุโก จ ธมฺโม อุปฺปชฺชติ เหตุปจฺจยา. กุสลํ เหตุญฺเจว สเหตุกญฺจ ธมฺมํ ปฏิจฺจ นอกุสโล นเหตุ เจว นอเหตุโก จ นอพฺยากโต นเหตุ เจว นอเหตุโก จ ธมฺมา อุปฺปชฺชนฺติ เหตุปจฺจยา. (๓)

อกุสลํ เหตุญฺเจว สเหตุกญฺจ ธมฺมํ ปฏิจฺจ นกุสโล นเหตุ เจว นอเหตุโก จ ธมฺโม อุปฺปชฺชติ เหตุปจฺจยา… ตีณิ.

อพฺยากตํ เหตุญฺเจว สเหตุกญฺจ ธมฺมํ ปฏิจฺจ นกุสโล นเหตุ เจว นอเหตุโก จ ธมฺโม อุปฺปชฺชติ เหตุปจฺจยา. อพฺยากตํ เหตุญฺเจว สเหตุกญฺจ ธมฺมํ ปฏิจฺจ นอกุสโล นเหตุ เจว นอเหตุโก จ ธมฺโม อุปฺปชฺชติ เหตุปจฺจยา. อพฺยากตํ เหตุญฺเจว สเหตุกญฺจ ธมฺมํ ปฏิจฺจ นกุสโล นเหตุ เจว นอเหตุโก จ นอกุสโล นเหตุ เจว นอเหตุโก จ ธมฺมา อุปฺปชฺชนฺติ เหตุปจฺจยา. (๓) (สํขิตฺตํ.)

เหตุยา นว.

๑๒. กุสลํ สเหตุกญฺเจว น จ เหตุํ ธมฺมํ ปฏิจฺจ นอกุสโล นอเหตุโก เจว นนเหตุ จ ธมฺโม อุปฺปชฺชติ เหตุปจฺจยา. กุสลํ สเหตุกญฺเจว น จ เหตุํ ธมฺมํ ปฏิจฺจ นอพฺยากโต นอเหตุโก เจว นนเหตุ จ ธมฺโม อุปฺปชฺชติ เหตุปจฺจยา. กุสลํ สเหตุกญฺเจว น จ เหตุํ ธมฺมํ ปฏิจฺจ นอกุสโล นอเหตุโก เจว นนเหตุ จ นอพฺยากโต นอเหตุโก เจว นนเหตุ จ ธมฺมา อุปฺปชฺชนฺติ เหตุปจฺจยา. ตีณิ.

อกุสลํ สเหตุกญฺเจว น จ เหตุํ ธมฺมํ ปฏิจฺจ นกุสโล นอเหตุโก เจว นนเหตุ จ ธมฺโม อุปฺปชฺชติ เหตุปจฺจยา. อกุสลํ สเหตุกญฺเจว น จ เหตุํ ธมฺมํ ปฏิจฺจ นอพฺยากโต นอเหตุโก เจว นนเหตุ จ ธมฺโม อุปฺปชฺชติ เหตุปจฺจยา. อกุสลํ สเหตุกญฺเจว น จ เหตุํ ธมฺมํ ปฏิจฺจ นอกุสโล นอเหตุโก เจว นนเหตุ จ นอพฺยากโต นอเหตุโก เจว นนเหตุ จ ธมฺมา อุปฺปชฺชนฺติ เหตุปจฺจยา. ตีณิ.

อพฺยากตํ สเหตุกญฺเจว น จ เหตุํ ธมฺมํ ปฏิจฺจ นกุสโล นอเหตุโก เจว นนเหตุ จ ธมฺโม อุปฺปชฺชติ เหตุปจฺจยา. อพฺยากตํ สเหตุกญฺเจว น จ เหตุํ ธมฺมํ ปฏิจฺจ นอกุสโล นอเหตุโก เจว นนเหตุ จ ธมฺโม อุปฺปชฺชติ เหตุปจฺจยา. อพฺยากตํ สเหตุกญฺเจว น จ เหตุํ ธมฺมํ ปฏิจฺจ นกุสโล นอเหตุโก เจว นนเหตุ จ นอกุสโล นอเหตุโก เจว นนเหตุ จ ธมฺมา อุปฺปชฺชนฺติ เหตุปจฺจยา. ตีณิ.