๒๒-๑๐. สนิทสฺสนตฺติก-สปฺปฏิฆทุกํ

๙๗. อนิทสฺสนสปฺปฏิฆํ สปฺปฏิฆํ ธมฺมํ ปฏิจฺจ นอนิทสฺสนสปฺปฏิโฆ นสปฺปฏิโฆ ธมฺโม อุปฺปชฺชติ เหตุปจฺจยา. อนิทสฺสนสปฺปฏิฆํ สปฺปฏิฆํ ธมฺมํ ปฏิจฺจ นสนิทสฺสนสปฺปฏิโฆ นสปฺปฏิโฆ ธมฺโม อุปฺปชฺชติ เหตุปจฺจยา. อนิทสฺสนสปฺปฏิฆํ สปฺปฏิฆํ ธมฺมํ ปฏิจฺจ นสนิทสฺสนสปฺปฏิโฆ นสปฺปฏิโฆ จ นอนิทสฺสนสปฺปฏิโฆ นสปฺปฏิโฆ จ ธมฺมา อุปฺปชฺชนฺติ เหตุปจฺจยา. เหตุยา ตีณิ.

อนิทสฺสนอปฺปฏิฆํ อปฺปฏิฆํ ธมฺมํ ปฏิจฺจ นอนิทสฺสนอปฺปฏิโฆ นอปฺปฏิโฆ ธมฺโม อุปฺปชฺชติ เหตุปจฺจยา. อนิทสฺสนอปฺปฏิฆํ อปฺปฏิฆํ ธมฺมํ ปฏิจฺจ นสนิทสฺสนสปฺปฏิโฆ นอปฺปฏิโฆ ธมฺโม อุปฺปชฺชติ เหตุปจฺจยา…เป… อนิทสฺสนอปฺปฏิฆํ อปฺปฏิฆํ ธมฺมํ ปฏิจฺจ นอนิทสฺสนสปฺปฏิโฆ นอปฺปฏิโฆ จ นอนิทสฺสนอปฺปฏิโฆ นอปฺปฏิโฆ จ ธมฺมา อุปฺปชฺชนฺติ เหตุปจฺจยา… เหตุยา ปญฺจ.