๒๒-๑๑. สนิทสฺสนตฺติก-รูปีทุกํ

๙๘. อนิทสฺสนอปฺปฏิฆํ รูปึ ธมฺมํ ปฏิจฺจ นสนิทสฺสนสปฺปฏิโฆ นรูปี ธมฺโม อุปฺปชฺชติ เหตุปจฺจยา… เหตุยา ตีณิ.

อนิทสฺสนอปฺปฏิฆํ อรูปึ ธมฺมํ ปฏิจฺจ นอนิทสฺสนอปฺปฏิโฆ นอรูปี ธมฺโม อุปฺปชฺชติ เหตุปจฺจยา. อนิทสฺสนอปฺปฏิฆํ อรูปึ ธมฺมํ ปฏิจฺจ นสนิทสฺสนสปฺปฏิโฆ นอรูปี ธมฺโม อุปฺปชฺชติ เหตุปจฺจยา…เป… อนิทสฺสนอปฺปฏิฆํ อรูปึ ธมฺมํ ปฏิจฺจ นสนิทสฺสนสปฺปฏิโฆ นอรูปี จ นอนิทสฺสนสปฺปฏิโฆ นอรูปี จ ธมฺมา อุปฺปชฺชนฺติ เหตุปจฺจยา… เหตุยา ฉ.