๔. เหตุสเหตุกทุกํ

๑-๗. ปฏิจฺจวาราทิ

๖. เหตุญฺเจว สเหตุกญฺจ ธมฺมํ ปฏิจฺจ นเหตุ เจว นอเหตุโก จ ธมฺโม อุปฺปชฺชติ เหตุปจฺจยา. เหตุญฺเจว สเหตุกญฺจ ธมฺมํ ปฏิจฺจ นอเหตุโก เจว นนเหตุ จ ธมฺโม อุปฺปชฺชติ เหตุปจฺจยา. เหตุญฺเจว สเหตุกญฺจ ธมฺมํ ปฏิจฺจ นเหตุ เจว นอเหตุโก จ นอเหตุโก เจว นนเหตุ จ ธมฺมา อุปฺปชฺชนฺติ เหตุปจฺจยา. (๓)

สเหตุกญฺเจว น จ เหตุํ ธมฺมํ ปฏิจฺจ นอเหตุโก เจว นนเหตุ จ ธมฺโม อุปฺปชฺชติ เหตุปจฺจยา. สเหตุกญฺเจว น จ เหตุํ ธมฺมํ ปฏิจฺจ นเหตุ เจว นอเหตุโก จ ธมฺโม อุปฺปชฺชติ เหตุปจฺจยา. สเหตุกญฺเจว น จ เหตุํ ธมฺมํ ปฏิจฺจ นเหตุ เจว นอเหตุโก จ นอเหตุโก เจว นนเหตุ จ ธมฺมา อุปฺปชฺชนฺติ เหตุปจฺจยา. (๓)

เหตุญฺเจว สเหตุกญฺจ สเหตุกญฺเจว น จ เหตุํ ธมฺมํ ปฏิจฺจ นเหตุ เจว นอเหตุโก จ ธมฺโม อุปฺปชฺชติ เหตุปจฺจยา. เหตุญฺเจว สเหตุกญฺจ สเหตุกญฺเจว น จ เหตุญฺจ ธมฺมํ ปฏิจฺจ นอเหตุโก เจว นนเหตุ จ ธมฺโม อุปฺปชฺชติ เหตุปจฺจยา. เหตุญฺเจว สเหตุกญฺจ สเหตุกญฺเจว น จ เหตุํ ธมฺมํ ปฏิจฺจ นเหตุ เจว นอเหตุโก จ นอเหตุโก เจว นนเหตุ จ ธมฺมา อุปฺปชฺชนฺติ เหตุปจฺจยา. (๓) (สํขิตฺตํ.)

เหตุยา นว. (สหชาตวารมฺปิ…เป… ปญฺหาวารมฺปิ วิตฺถาเรตพฺพํ.)