๕. เหตุเหตุสมฺปยุตฺตทุกํ

๑-๗. ปฏิจฺจวาราทิ

๗. เหตุญฺเจว เหตุสมฺปยุตฺตญฺจ ธมฺมํ ปฏิจฺจ นเหตุ เจว นเหตุวิปฺปยุตฺโต จ ธมฺโม อุปฺปชฺชติ เหตุปจฺจยา. เหตุญฺเจว เหตุสมฺปยุตฺตญฺจ ธมฺมํ ปฏิจฺจ นเหตุวิปฺปยุตฺโต เจว นนเหตุ จ ธมฺโม อุปฺปชฺชติ เหตุปจฺจยา. เหตุญฺเจว เหตุสมฺปยุตฺตญฺจ ธมฺมํ ปฏิจฺจ นเหตุ เจว นเหตุวิปฺปยุตฺโต จ นเหตุวิปฺปยุตฺโต เจว นนเหตุ จ ธมฺมา อุปฺปชฺชนฺติ เหตุปจฺจยา. (๓)

เหตุสมฺปยุตฺตญฺเจว น จ เหตุํ ธมฺมํ ปฏิจฺจ นเหตุวิปฺปยุตฺโต เจว นนเหตุ จ ธมฺโม อุปฺปชฺชติ เหตุปจฺจยา. เหตุสมฺปยุตฺตญฺเจว น จ เหตุํ ธมฺมํ ปฏิจฺจ นเหตุ เจว นเหตุวิปฺปยุตฺโต จ ธมฺโม อุปฺปชฺชติ เหตุปจฺจยา. เหตุสมฺปยุตฺตญฺเจว น จ เหตุํ ธมฺมํ ปฏิจฺจ นเหตุ เจว นเหตุวิปฺปยุตฺโต จ นเหตุวิปฺปยุตฺโต เจว นนเหตุ จ ธมฺมา อุปฺปชฺชนฺติ เหตุปจฺจยา. (๓)

เหตุญฺเจว เหตุสมฺปยุตฺตญฺจ เหตุสมฺปยุตฺตญฺเจว น จ เหตุญฺจ ธมฺมํ ปฏิจฺจ นเหตุ เจว นเหตุวิปฺปยุตฺโต จ ธมฺโม อุปฺปชฺชติ เหตุปจฺจยา. เหตุญฺเจว เหตุสมฺปยุตฺตญฺจ เหตุสมฺปยุตฺตญฺเจว น จ เหตุญฺจ ธมฺมํ ปฏิจฺจ นเหตุวิปฺปยุตฺโต เจว นนเหตุ ธมฺโม จ อุปฺปชฺชติ เหตุปจฺจยา. เหตุญฺเจว เหตุสมฺปยุตฺตญฺจ เหตุสมฺปยุตฺตญฺเจว น จ เหตุญฺจ ธมฺมํ ปฏิจฺจ นเหตุ เจว นเหตุวิปฺปยุตฺโต จ นเหตุวิปฺปยุตฺโต เจว นนเหตุ จ ธมฺมา อุปฺปชฺชนฺติ เหตุปจฺจยา. (๓) (สํขิตฺตํ.)

เหตุยา นว. (สหชาตวารมฺปิ…เป… ปญฺหาวารมฺปิ วิตฺถาเรตพฺพํ.)