ตนาทโย |โอ๐.๐๐๒๘|

๑๒๐. ตนุ วิตฺถาเร สก สตฺติสฺมึ-ทุ ปริตาเป สนุ ทานสฺมึ,

วน ยาจายํ มนุ โพธสฺมึ-หิ คเต อป ปาปุณนสฺมึ (หิ,)

กร กรณสฺมึ(ภวติ)สิ พนฺเธ-สุ อภิสฺสวเน(ตนุ อาทีนิ;)

นิจฺจํ เณณยนฺตา จุราทโย.

๑๒๑. จุร เถยฺเย โลก (ธาตุ) ทสฺสเน อกิ ลกฺขเณ,

สิยา ถก ปติฆาเต (ปุน) ตกฺก วิตกฺกเณ;

๑๒๒. ลกฺข ทสฺสนองฺเกสุ (วตฺตเต) มกฺข มกฺขเณ,

ภกฺขา’ทเน โมกฺข โมเจ สุข-ทุกฺข (จ) ตกิรเย;

๑๒๓. |โอ๐.๐๐๒๙|

ลิงฺค จิตฺตกิรยา’ทีสุ มค-มคฺค คเวสเน,

(ปุนา’ปิ) ปจ วิตฺถาเร เกฺลเส วญฺจ ปลมฺภเน.

๑๒๔. วจฺจ อชฺฌายเน อจฺจ ปูชายํ วจ ภาสเน,

รจ ปติยตเน สุจ เปสุญฺเญ รุจ โรจเน;

๑๒๕. มุจปฺปโมจเน โลจ ทสฺสเน กจ ทิตฺติยํ,

สชฺชา’ชฺช อชฺชเน ตชฺช ตชฺชเน วชฺช วชฺชเน;

๑๒๖. ยุช สํยมเน ปูช ปูชายํ ติช เตชเน,

ปช มคฺค สํวรเณ คเต ภช วิภาชเน;

๑๒๗. (อโถ) ภาช ปุถกฺกาเร สภาช ปีติทสฺสเน,

(อโถ ตุ) ฆฏ สงฺฆาเต ฆฏฺฏ สญฺจลนา’ทิสุ;

๑๒๘. |โอ๐.๐๐๓๐|

กุฏ-โกฏฺฏจฺเฉทเน (เทฺว) กุฏ อาโกฏนา’ทิสุ,

นฏ นจฺเจ จฏ-ปุฏ เภเท วณฺฏ วิภาชเน;

๑๒๙. ตุวฏฺฏ เอกสยเน ฆโฏ วิสรเณ (สิยา),

คุณฺฐ โอคุณฺฐเน เหฐ พาธายํ เวฐ เวฐเน

คุฑิ เวเฐ กฑิ-ขฑิ เภทเน มฑิ ภูสเน;

๑๓๐. ปณฺฑ-ภณฺฑ ปริภาเส ทฑิ อาณาย (มีริโต),

ตฑิ สํตาฬเน ปิณฺฑ สงฺฆาเต ฉฑฺฑ ฉฑฺฑเน;

๑๓๑. วณฺณ สํวณฺณเน จุณฺณ จุณฺณเน อาณ เปสเน,

คณ สํกลเน กณฺณ สวเณ จินฺต จินฺตเน;

๑๓๒. สนฺต สงฺโกจเน มนฺต คุตฺต ภาสน ชานเน,

จิต สํเจตนา’ทิสุ กิตฺต สํสทฺทเน (ภเว;)

๑๓๓. |โอ๐.๐๐๓๑|

ยต นียฺยาตเน คนฺถ สนฺทพฺเภ อตฺถ ยาจเน,

กถ วากฺยปฺปพนฺเธ (จ) วิท ญาเณ นุเท จุท;

๑๓๔. ฉทา’ปวารเณ ฉทฺท วมเน ฉนฺท อิจฺฉยํ,

วที’ภิวาท โถเมสุ ภทิกลฺยาณกมฺมนิ;

๑๓๕. หิฬาท (ตุ) สุเข คนฺธ สูจเน วิธ กมฺปเน,

รนฺธ ปาเก (อโถ) มาน ปูชายํ นุ ตฺถุติมฺหิ (ตุ;)

๑๓๖. ถน เทวสทฺเท อูน ปริหาเน เถน โจริเย,

ธน สทฺเท ญป โตส นิสาน มารณา’ทิสุ;

๑๓๗. ลป วาเกฺย ฌป ทาเห รุป โรปณอาทิสุ,

ปี ตปฺปเน (สิยา) กปฺป วิตกฺเก ลภิ วญฺจเน;

๑๓๘. |โอ๐.๐๐๓๒|

(อโถ) วหิ ครหายํ สมุ สานฺตฺวน ทสฺสเน,

กมุ อิจฺฉาย กนฺติมฺหิ (สิยา) โถม สิลาฆเน;

๑๓๙. ติมุ เตมน สงฺกาสุ อม โรคคตา’ทิสุ,

สํคาม ยุทฺเธ (วตฺเตยฺย) อีร วาจา ปกมฺปเน;

๑๔๐. วร อาวรณิ’จฺฉาสุ ยาจายํ ธร ธารเณ,

ตีร กมฺม สมตฺติมฺหิ ปาร สามตฺถิยา’ทิสุ;

๑๔๑. ตุลุ’มฺมาเน ขล โสเว สญฺจเย ปาลรกฺขเณ,

กล สงฺกลนา’ทีสุ (ภเว) มีล นิมีลเน;

๑๔๒. สีลู’ปธารเณ มูล โรหเณ ลล อิจฺฉเน,

ทุล อุกฺเขปเณ ปูล มหตฺตน สมุสฺสเย;

๑๔๓. |โอ๐.๐๐๓๓|

ฆุส สทฺเท ปิส เปเส ภุสา’ลงฺกรเณ (สิยา,)

รุส ปารุสิเย ขุํส อกฺโกเส ปุส โปสเน;

๑๔๔. ทิส อุจฺจารณา’ทีสุ วส อจฺฉาทเน (สิยา,)

รส’สฺสาเท รเว เสฺนเห (อโถ) สิส วิเสสเน;

๑๔๕. สิ พนฺเธ มิสฺส สมฺมิสฺเส กุห วิมฺภาปเน สิยา,

รห จาเค คเต (จา’ปิ) มห ปูชาย (มีริโต;)

๑๔๖. ปิหิ’จฺฉายํ สิยา วีฬ ลชฺชายํ เอฬ ผาฬเน

หีฬ คารหิเย ปีฬ พาธายํ ตฬ ตาฬเน

ลฬ (ธาตู)’ปเสวา’ยํ (วตฺตตี’เมจุราทโย;)

สมตฺตา สตฺตคณา.

๑๔๗. |โอ๐.๐๐๓๔|

ภุวาที จ รุธาที จ-ทิวาทิ สฺวา’ทโย คณา,

กิยาที จ ตนาที จ-จุราทีตี’ธ สตฺตธา;

๑๔๘. กิรยาวาจิตฺตมกฺขาตุ-เม’เกกตฺโถ พหู’ทิโต,

ปโยคโต’นุคนฺตพฺพา-อเนกตฺถา หิ ธาตโว;

๑๔๙. หิตาย มนฺทพุทฺธีนํ-วฺยตฺตํ วณฺณกฺกมา ลหุํ,

รจิตา ธาตุมญฺชุสา-สีลวํเสน ธีมตา;

๑๕๐. สทฺธมฺมปงฺเกรุหราชหํโส,

อาสิฏฺฐธมฺมฏฺฐิติ สีลวํโส;

ยกฺขทฺทิเลนาขฺย นิวาสวาสี,

ยติสฺสโร โสยมิทํ อกาสิ;

กจฺจายน ธาตุมญฺชูสา สมตฺตา.

สาจริยานุสิฏฺฐา |โอ๐.๐๐๓๕| ปริสิฏฺฐปริภาสา

๑. เอกา เนกสฺส รานนฺตู-’ภเยสํ อนฺติมา สรา,

องฺคานุพนฺธา ธาตูนํ-วุจฺจนฺเต’ปิ ยถากฺกมํ;

๒. ธาตุโน วฺยาญฺชนา ปุพฺเพ-นิคฺคหีตํ สม’นฺติมา,

อิวณฺเณนา’รุธาทีน-มนุพนฺเธน จิณฺหิตํ;

๓. เสสา’นุพนฺธา สพฺเพสํ-โหนฺตี’ธุ’จฺจารณปฺผลา,

อุจฺจาวจปฺผลา ภาส-นฺตรมฺปตฺวา ภ วนฺติ’ปิ;

๔. |โอ๐.๐๐๓๖|

นามธาตุก ภาโว’ปิ-กิรยาย อธิการโต,

วิรุทฺธนฺตราภาวา-กฺวจิเทว ปยุชฺชเต;

๕. ทฺวนฺทยุตฺติวสา กฺวาปิ-อาเทโส โยวิภตฺติยา,

คุณาทิภาว สทฺโท’ปิ-ตกิรยตฺเถ วิธียเต;