౭. అధికరణసమథా (భిక్ఖునీవిభఙ్గో)

ఇమే ఖో పనాయ్యాయో సత్త అధికరణసమథా

ధమ్మా ఉద్దేసం ఆగచ్ఛన్తి.

౧౨౪౨. ఉప్పన్నుప్పన్నానం అధికరణానం సమథాయ వూపసమాయ సమ్ముఖావినయో దాతబ్బో, సతివినయో దాతబ్బో, అమూళ్హవినయో దాతబ్బో, పటిఞ్ఞాయ కారేతబ్బం, యేభుయ్యసికా, తస్సపాపియసికా, తిణవత్థారకోతి.

ఉద్దిట్ఠా ఖో, అయ్యాయో, సత్త అధికరణసమథా ధమ్మా. తత్థాయ్యాయో పుచ్ఛామి – ‘‘కచ్చిత్థ పరిసుద్ధా’’? దుతియమ్పి పుచ్ఛామి – ‘‘కచ్చిత్థ పరిసుద్ధా’’? తతియమ్పి పుచ్ఛామి – ‘‘కచ్చిత్థ పరిసుద్ధా’’? పరిసుద్ధేత్థాయ్యాయో, తస్మా తుణ్హీ, ఏవమేతం ధారయామీతి.

అధికరణసమథా నిట్ఠితా.