౨. పచ్చనీకానులోమవణ్ణనా

౧౪. అనులోమపఞ్చకస్సాతిఆదిమ్హి అట్ఠకథావచనే. పున తత్థాతి యథావుత్తే అట్ఠకథావచనే, తేసు వా అనులోమపఞ్చకపచ్చనీకేసు. సబ్బత్థ పుగ్గలో నుపలబ్భతీతిఆదికస్స పాఠప్పదేసస్స అత్థో ‘‘సరీరం సన్ధాయా’’తిఆదినా అట్ఠకథాయం వుత్తనయేన వేదితబ్బో అత్థో. పటికమ్మాదిపాళిన్తి పటికమ్మనిగ్గహఉపనయననిగమనపాళిం. తీసు ముఖేసూతి ‘‘సబ్బత్థా’’తిఆదినా వుత్తేసు తీసు వాదముఖేసు. పచ్చనీకస్స పాళి వుత్తాతి సమ్బన్ధో. తన్తి పాళిం. సఙ్ఖిపిత్వా ఆగతత్తా సరూపేన అవుత్తే. సుద్ధిక…పే… వుత్తం హోతి తత్థ ‘‘సబ్బత్థా’’తిఆదినా సరీరాదినో పరామసనం నత్థి, ఇధ అత్థీతి అయమేవ విసేసో, అఞ్ఞం సమానన్తి.

సచ్చికట్ఠవణ్ణనా నిట్ఠితా.