౮. పతిరూపకథావణ్ణనా

౯౧౫-౯౧౬. మేత్తాదయో వియాతి యథా మేత్తా కరుణా ముదితా చ సినేహసభావాపి అరఞ్జనసభావత్తా అసంకిలిట్ఠత్తా చ న రాగో, ఏవం రాగపతిరూపకో కోచి ధమ్మో నత్థి ఠపేత్వా మేత్తాదయో, అఞ్ఞచిత్తస్స సినియ్హనాకారో రాగస్సేవ పవత్తిఆకారోతి అత్థో. తేనేవాహ ‘‘రాగమేవ గణ్హాతీ’’తి. ఏవం దోసేపీతి ఏత్థ ఇస్సాదయో వియ న దోసో దోసపతిరూపకో కోచి అత్థీతి దోసమేవ గణ్హాతీతి యోజేతబ్బం. ఠపేత్వా హి ఇస్సాదయో అఞ్ఞచిత్తస్స దుస్సనాకారో దోసస్సేవ పవత్తిఆకారోతి.

పతిరూపకథావణ్ణనా నిట్ఠితా.