౧౦. పఞ్ఞత్తానుయోగవణ్ణనా

౬౧-౬౬. రూపకాయావిరహం సన్ధాయ ఆహ, న రూపతణ్హాసబ్భావం. తథా సతి అనేకన్తికత్తా పటిక్ఖిపితబ్బమేవ సియా, న అనుజానితబ్బన్తి. ‘‘అత్థితాయా’’తి ఆహాతి సమ్బన్ధో. కామీభావస్స అనేకన్తికత్తా కస్సచి కామధాతూపపన్నస్స కామధాతుయా ఆయత్తత్తాభావతో చ కదాచి భావస్సేవాతి యోజనా.

౬౭. కాయానుపస్సనాయాతి కాయానుపస్సనాదేసనాయ. సా హి కాయకాయానుపస్సీనం విభాగగ్గహణస్స కారణభూతా, కాయానుపస్సనా ఏవ వా. ఏవంలద్ధికత్తాతి అఞ్ఞో కాయో అఞ్ఞో పుగ్గలోతి ఏవంలద్ధికత్తా. ఆహచ్చ భాసితన్తి ఠానకరణాని ఆహన్త్వా కథితం, భగవతా సామం దేసితన్తి అత్థో.

పఞ్ఞత్తానుయోగవణ్ణనా నిట్ఠితా.