౭. మహానామసిక్ఖాపదవణ్ణనా

౩౧౦. కాలన్తి సో. యస్మా సఙ్ఘపవారణాయమేవాయం విధి, తస్మా ‘‘ఞాతకానం పవారితాన’’న్తి వుత్తం. ‘‘ఇమినా హి తయా పవారితమ్హ, అమ్హాకఞ్చ ఇమినా చ ఇమినా చ అత్థో’’తి యథాభూతం ఆచిక్ఖిత్వా విఞ్ఞాపేతుం గిలానోవ లభతి. యం పన వుత్తం పణీతభోజనసిక్ఖాపదే ‘‘మహానామసిక్ఖాపదేన కారేతబ్బో’’తి, తం సఙ్ఘవసేన పవారితం, భేసజ్జత్థాయ సప్పిఆదిభేసజ్జపఞ్చకం విఞ్ఞాపేతి చే, ‘‘న భేసజ్జేన కరణీయేన భేసజ్జం విఞ్ఞాపేతీ’తి వచనేన పాచిత్తియన్తి అత్థో’’తి (పాచి. ౩౦౯) లిఖితం.

మహానామసిక్ఖాపదవణ్ణనా నిట్ఠితా.