౩. భిక్ఖుసుత్తవణ్ణనా

౩౬౯. యస్మా సో భిక్ఖు ‘‘దేసేతు మే, భన్తే, భగవా సంఖిత్తేన ధమ్మ’’న్తి సంఖిత్తేన ధమ్మదేసనం యాచి, తస్స సంఖిత్తరుచిభావతో, తస్మా సంఖిత్తేనేవ ధమ్మం దేసేతుకామో భగవా ‘‘తస్మాతిహా’’తిఆదిమాహాతి వుత్తం – ‘‘యస్మా సంఖిత్తేన దేసనం యాచసి, తస్మా’’తి. కమ్మస్సకతాదిట్ఠికస్సేవ లోకియలోకుత్తరగుణవిసేసా ఇజ్ఝన్తి, న దిట్ఠివిపన్నస్స, తస్మా వుత్తం ‘‘దిట్ఠీతి కమ్మస్సకతాదిట్ఠీ’’తి.