౬. అరిట్ఠసుత్తవణ్ణనా

౯౮౨. నో-సద్దో పుచ్ఛాయం, తస్మా నూతి ఇమినా సమానత్థోతి ఆహ ‘‘భావేథ నూ’’తి. కామచ్ఛన్దోతి వత్థుకామేసు ఇచ్ఛాతి ఆహ ‘‘పఞ్చకామగుణికరాగో’’తి. ద్వాదససు ఆయతనధమ్మేసు సపరసన్తతిపరియాపన్నేసు. ఇమినా కామచ్ఛన్దప్పహానకిత్తనేన పటిఘసఞ్ఞాపటివినయకిత్తనేన చ అనాగామిమగ్గం కథేతి పఞ్చోరమ్భాగియసఞ్ఞోజనసముచ్ఛేదస్స బ్యాకతత్తా. విపస్సనం దస్సేన్తోతి ‘‘విపస్సనం అనుయుఞ్జథా’’తి దస్సేన్తో.