౩-౧౫. ధమ్మవాదీపఞ్హసుత్తాదివణ్ణనా

౩౧౬-౩౨౮. పహాయ గతత్తాతి అరియమగ్గేన జహిత్వా ఞాణగమనేన గతత్తా. సుట్ఠు గతాతి సమ్మా గతా పటిపన్నాతి సుగతా. పరిజాననత్థన్తి తీహి పరిఞ్ఞాహి పరిజాననత్థం. దుక్ఖసఙ్ఖాతోతి ‘‘దుక్ఖ’’న్తి సఙ్ఖాతబ్బో విదితబ్బో చ దుక్ఖసభావో ధమ్మో దుక్ఖదుక్ఖతా. యస్మా దుక్ఖవేదనావినిముత్తసఙ్ఖతధమ్మే సుఖవేదనాయ చ యథా ఇధ సఙ్ఖారదుక్ఖతా విపరిణామదుక్ఖతాతి దుక్ఖపరియాయో నిరుప్పతేవ, తస్మా దుక్ఖసభావో ధమ్మో ఏకేన దుక్ఖసద్దేన విసేసేత్వా వుత్తో ‘‘దుక్ఖదుక్ఖతా’’తి. సేసపదద్వయేతి సఙ్ఖారదుక్ఖతా విపరిణామదుక్ఖతాతి ఏతస్మిం పదద్వయే. సఙ్ఖారభావేన దుక్ఖసభావో సఙ్ఖారదుక్ఖతా. సుఖస్స విపరిణామనేన దుక్ఖసభావో విపరిణామదుక్ఖతా.

ధమ్మవాదీపఞ్హసుత్తాదివణ్ణనా నిట్ఠితా.