౨-౩. దుతియసముద్దసుత్తాదివణ్ణనా

౨౨౯-౨౩౦. కిలేసానం అల్లభావూపనయనన్తి ఆహ ‘‘తేమనట్ఠేనా’’తి. అరియసావకేతి అనాగామినో. తే హి కామభవవసేన అతిన్తతాయ న సమున్నా. తయో మచ్చూతి కిలేసాభిసఙ్ఖారదేవపుత్తమారే. తీహి ఉపధీహీతి కిలేసాభిసఙ్ఖారకామగుణానం వసేన తీహి ఉపధీహి. ఖన్ధుపధినా పన సో న నిరూపధి సఉపాదిసేసస్సేవ నిబ్బానస్స అధిగతత్తా. గతోతి పటిపత్తిగమనేన గతో.

దుతియసముద్దసుత్తాదివణ్ణనా నిట్ఠితా.