౫-౬. సక్కపఞ్హసుత్తాదివణ్ణనా

౧౧౮-౧౧౯. దిట్ఠేతి పచ్చక్ఖభూతే. ధమ్మేతి ఉపాదానక్ఖన్ధధమ్మే. తత్థ హి అత్తాతి భవతి సఞ్ఞా దిట్ఠి చాతి అత్తభావసఞ్ఞా. తేనాహ – ‘‘దిట్ఠేవ ధమ్మేతి ఇమస్మింయేవ అత్తభావే’’తి. ‘‘తన్నిస్సిత’’న్తి ఏత్థ తం-సద్దేన హేట్ఠా అభినన్దనాదిపరియాయేన వుత్తా తణ్హా పచ్చామట్ఠాతి ఆహ – ‘‘తణ్హానిస్సిత’’న్తి. తం ఉపాదానం ఏతస్సాతి తదుపాదానం. తేనాహ – ‘‘తంగహణ’’న్తిఆది. తణ్హుపాదానసఙ్ఖాతం గహణం ఏతస్సాతి తంగహణం. ఛట్ఠం ఉత్తానమేవ పఞ్చమే వుత్తనయత్తా.

సక్కపఞ్హసుత్తాదివణ్ణనా నిట్ఠితా.