౩. అనిచ్చసుత్తవణ్ణనా

౪౫. విరాగో నామ మగ్గో, విముత్తిఫలన్తి ఆహ – ‘‘మగ్గక్ఖణే విరజ్జతి, ఫలక్ఖణే విముచ్చతీ’’తి. అగ్గహేత్వాతి ఏవం నిరుజ్ఝమానేహి ఆసవేహి ‘‘అహం మమా’’తి కఞ్చి ధమ్మం అనాదియిత్వా. ‘‘చిత్తం విరత్తం, విముత్తం హోతీ’’తి వుత్తత్తా ఫలం గయ్హతి, ‘‘ఖీణా జాతీ’’తిఆదినా పచ్చవేక్ఖణాతి ఆహ ‘‘సహ ఫలేన పచ్చవేక్ఖణదస్సనత్థ’’న్తి. ఉపరి కత్తబ్బకిచ్చాభావేన ఠితం. తేనాహ ‘‘విముత్తత్తా ఠిత’’న్తి. యం పత్తబ్బం, తం అగ్గఫలస్స పత్తభావేన అధిగతత్తా సన్తుట్ఠం పరితుట్ఠం.

అనిచ్చసుత్తవణ్ణనా నిట్ఠితా.