౩. అఞ్ఞతరభిక్ఖుసుత్తవణ్ణనా

౩౫. యది రూపం అనుసేతీతి రూపధమ్మే ఆరబ్భ యది రాగాదయో అనుసయనవసేన పవత్తన్తి. తేన సఙ్ఖం గచ్ఛతీతి తేన రాగాదినా తంసమఙ్గీపుగ్గలో సఙ్ఖాతబ్బతం ‘‘రత్తో దుట్ఠో’’తిఆదినా వోహరితబ్బతం ఉపగచ్ఛతీతి. తేనాహ ‘‘కామరాగాదీసూ’’తిఆది. అభూతేనాతి అజాతేన అనుసయవసేన అప్పవత్తేన. అనుసయసీసేన హేత్థ అభిభవం వదతి. యతో ‘‘రత్తో దుట్ఠో మూళ్హోతి సఙ్ఖం న గచ్ఛతీ’’తి వుత్తం. నిప్పరియాయతో హి మగ్గవజ్ఝకిలేసా అనుసయో.

అఞ్ఞతరభిక్ఖుసుత్తవణ్ణనా నిట్ఠితా.