౪. పరిఞ్ఞేయ్యసుత్తవణ్ణనా

౧౦౬. పరిఞ్ఞేయ్యేతి ఏత్థ తిస్సో పరిఞ్ఞా ఞాతపరిఞ్ఞా, తీరణపరిఞ్ఞా, పహానపరిఞ్ఞాతి. తాసు ఞాతపరిఞ్ఞా యావదేవ తీరణపరిఞ్ఞత్థా. తీరణపరిఞ్ఞా చ యావదేవ పహానపరిఞ్ఞత్థాతి. తత్థ ఉక్కట్ఠాయ పరిఞ్ఞాయ కిచ్చదస్సనవసేన అత్థం దస్సేన్తో ‘‘పరిఞ్ఞేయ్యేతి పరిజానితబ్బే సమతిక్కమితబ్బే’’తి, పహాతబ్బేతి అత్థో. తేనాహ భగవా – ‘‘కతమా చ, భిక్ఖవే, పరిఞ్ఞా? రాగక్ఖయో, దోసక్ఖయో, మోహక్ఖయో’’తి, తస్మా సమతిక్కమన్తి, సమతిక్కన్తం పహానస్స ఉపాయం. సమతిక్కమిత్వా ఠితన్తి పజహిత్వా ఠితన్తి అయమేత్థ అత్థో.

పరిఞ్ఞేయ్యసుత్తవణ్ణనా నిట్ఠితా.