౧-౪. భిన్దిసుత్తాదివణ్ణనా

౧౮౦-౧౮౩. దేవదత్తో సగ్గే వా నిబ్బత్తేయ్యాతిఆది పరికప్పవచనం. న హి పచ్చేకబోధియం నియతగతికో అన్తరా మగ్గఫలాని అధిగన్తుం భబ్బోతి. సోతి అనవజ్జధమ్మో. అస్సాతి దేవదత్తస్స. సముచ్ఛేదమగమా కతూపచితస్స మహతో పాపధమ్మస్స బలేన తస్మిం అత్తభావే సముచ్ఛేదభావతో, న అచ్చన్తాయ. అకుసలం నామేతం అబలం, కుసలం వియ న మహాబలం, తస్మా తస్మింయేవ అత్తభావే తాదిసానం పుగ్గలానం అతేకిచ్ఛతా, అఞ్ఞథా సమ్మత్తనియామో వియ మిచ్ఛత్తనియామో అచ్చన్తికో సియా. యది ఏవం వట్టఖాణుకజోతనా కథన్తి? ఆసేవనావసేన, తస్మా యథా ‘‘సకిం నిముగ్గో నిముగ్గో ఏవ బాలో’’తి వుత్తం, ఏవం వట్టఖాణుకజోతనా. యాదిసే హి పచ్చయే పటిచ్చ పుగ్గలో తం దస్సనం గణ్హి, తథా చ పటిపన్నో, పున అచిన్తప్పతివత్తే పచ్చయే పతితతో సీసుక్ఖిపనమస్స న హోతీతి న వత్తబ్బం.

భిన్దిసుత్తాదివణ్ణనా నిట్ఠితా.