౭. విసాఖసుత్తవణ్ణనా

౨౪౧. పురస్స ఏసాతి పోరీ, చాతురియయుత్తతా. తేనాహ ‘‘పురవాసీన’’న్తిఆది. సా పన దుతవిలమ్బితఖలితవసేన అప్పసన్నలూఖతాదిదోసరహితా హోతీతి ఆహ ‘‘పుర…పే… వాచాయా’’తి. అసన్దిద్ధాయాతి ముత్తవాచాయ. తేనాహ ‘‘అపలిబుద్ధాయా’’తిఆది. న ఏలం దోసం గలేతీతి అనేలగలా, అవిరుజ్ఝనవాచా. తేనాహ ‘‘నిద్దోసాయా’’తి. చతుసచ్చస్స పకాసకా, న కదాచి సచ్చవిముత్తాతి ఆహ ‘‘చతుసచ్చపరియాపన్నాయా’’తి. తా హి చత్తారి సచ్చాని పరిచ్ఛిజ్జ ఆపాదేన్తి పటిపాదేన్తి పవత్తేన్తి. తేనాహ ‘‘చత్తారి సచ్చాని అముఞ్చిత్వా పవత్తాయా’’తి. ధజో నామ సబ్బధమ్మేహి సముస్సితట్ఠేన.

విసాఖసుత్తవణ్ణనా నిట్ఠితా.