౩. సకలికసుత్తవణ్ణనా

౧౪౯. మన్దభావేనాతి జళభావేన మోమూహభావేనాతి మహామూళ్హతాయ. కబ్బకరణేన మత్తోతి కబ్బకిరియాపసుతతాదివసేన మత్తో కబ్బం కత్వా. కిమిదం సోప్పసేవాతి ఇదం తవ సోప్పం కిమత్థం, పురిసేన నామ పురిసత్తకరేన భవితబ్బం, న సోప్పతియేవ. అత్థం సమాగన్త్వాతి పరమత్థం నిబ్బానం సమ్మా ఆగన్త్వా అధిగన్త్వా. అసఙ్గ…పే… నత్థి సబ్బసో సిద్ధత్థభావతో. జగ్గన్తోతి జాగరన్తో పురిసో వియ, న భాయామి భయహేతూనం అభావా. నానుతపన్తి సబ్బత్థ సబ్బదాపి విస్సట్ఠభావతో, మామన్తి మమం. గాథాసుఖత్థఞ్హి దీఘం కత్వా వుత్తం. ఠితత్తాతి ఉద్దేసపరిపుచ్ఛాయ పరిచ్ఛిజ్జత్తా. హానిన్తి కస్సచి జానిం.

సకలికసుత్తవణ్ణనా నిట్ఠితా.