౧౦. అనాథపిణ్డికసుత్తవణ్ణనా

౧౦౧. దసమే కామం దేవతాసంయుత్తేపి ‘‘ఇదం హి తం జేతవన’’న్తిఆదినా ఇమా ఏవ గాథా ఆగతా. తత్థ ‘‘అఞ్ఞతరా దేవతా’’తి నిదానం ఆరోపితం. హేట్ఠా ఆగతనయత్తా ఏవ హి పోత్థకేసు న లిఖితం, ఇధ పన దేవపుత్తసంయుత్తే ‘‘అనాథపిణ్డికో దేవపుత్తో’’తి నిదానే నిగమే చ ఆగతం, తత్థ దేవపుత్తేన సత్థు వుత్తప్పకారగుణపవేదనవసేన వుత్తం. సత్థా పన భిక్ఖూనం తమత్థం పవేదేన్తో ‘‘అఞ్ఞతరో దేవపుత్తో’’తి ఆహ. తథా పవేదనే పన కారణం దస్సేన్తో ‘‘ఆనన్దత్థేరస్సా’’తిఆదిమాహ. అనుమానబుద్ధియాతి అనుమానఞాణస్స. ఆనుభావప్పకాసనత్థన్తి బలదీపనత్థం.

అనాథపిణ్డికసుత్తవణ్ణనా నిట్ఠితా.

దుతియవగ్గవణ్ణనా నిట్ఠితా.