౭. బుద్ధవన్దనాసుత్తవణ్ణనా

౨౬౩. ఉట్ఠహాతి ఉట్ఠానం కాయికవీరియం కరోహి. తేనాహ ‘‘విచర, లోకే’’తి. చేతసికవీరియం పన భగవతా మత్థకం పాపితమేవ. తేనాహ ‘‘విజితసఙ్గామా’’తి. ద్వాదసయోజనికస్స ఉచ్చభావేన. విత్థారతో పన ఆయామతో చ అనేకయోజనసతసహస్సపరిమాణచక్కవాళం అతిబ్యాపేత్వా ఠితస్స. పన్నభారాతి పాతితభార. నిక్ఖేపితబ్బతో భారాతి ఆహ ‘‘ఓరోపితఖన్ధా’’తిఆది. తే హి తంసమఙ్గినో పుగ్గలస్స సమ్పాతనట్ఠేన భారా నామ. వుత్తఞ్హేతం ‘‘భారా హవే పఞ్చక్ఖన్ధా’’తి (సం. ని. ౩.౨౨). తదేకదేసా చ కిలేసాభిసఙ్ఖారా. పన్నరసాయ పుణ్ణమాయ రత్తిన్తి యథా పన్నరసపుణ్ణమాయ రత్తియం పరిపుణ్ణకాలే ఉపక్కిలేసవిముత్తో చన్దో సోభతి, ఏవం తవ చిత్తం సబ్బసో ఉపక్కిలేసవిముత్తం సోభతీతి అధిప్పాయో.

బుద్ధవన్దనాసుత్తవణ్ణనా నిట్ఠితా.