౫. రామణేయ్యకసుత్తవణ్ణనా

౨౬౧. ఆరమన్తి ఏత్థ సత్తాతి ఆరామా, మనోరమా ఉపవనాదయో. తే ఏవ చేతేన్తి ఏత్థ సద్ధాయ అత్తనో పీతిసోమనస్సం సన్ధహన్తీతి చేతియాతి చ వుచ్చన్తి. మనుస్సరమణీయభావస్సాతి మనుస్సానం ఆరమణీయభావస్స. తస్స పన సీలాదిగుణవసేన అచిన్తేయ్యాపరిమేయ్యానుభావతాపి హోతీతి భగవా ‘‘నాగ్ఘన్తి సోళసి’’న్తి అవోచ. అచేతనాయ భూమియా రమణీయతా నామ గుణవిసిట్ఠానం అరియానం సేవనవసేన వేదితబ్బాతి వుత్తం ‘‘ఇదాని…పే… గామే వాతిఆదిమాహా’’తి.

రామణేయ్యకసుత్తవణ్ణనా నిట్ఠితా.