౮. వేరోచనఅసురిన్దసుత్తవణ్ణనా

౨౫౪. ద్వారపాలరూపకాని వియాతి ద్వారపాలాకారేన కతపటిమాయో వియ. వాయమేథేవ, న అన్తరా సంకోచం ఆపజ్జేయ్యాతి అధిప్పాయో. నిప్ఫన్నసోభనేసూతి నిప్ఫన్నభావేన సున్దరేసు. సబ్బే హి అనిప్ఫన్నా అత్థా న సోభన్తి. కిచ్చజాతాతి విప్పకతభావేన సఞ్జాతకిచ్చా. అకిచ్చజాతోతి అసఞ్జాతకిచ్చో కిచ్చరహితో నామ నత్థి గమనట్ఠితసయననిసజ్జాదివసేన ఉప్పజ్జనకదుక్ఖవినోదనభావతో. సంయోగపరమాత్వేవ సమ్భోగాతి ఇమేసం సత్తానం సంభుఞ్జితబ్బవత్థూని నామ పకతియా విరోధసీలానిపి అసంయోగేన వా అసున్దరానిపి, తాని అభిసఙ్ఖరణపచనసంయోజనపరమాని వేదితబ్బాని తథా సతి సమ్భోగారహభావూపగమనతో. తేనాహ ‘‘పారివాసికఓదనాదీనీ’’తిఆది. ఉణ్హాపేత్వా పరిభుఞ్జితబ్బయుత్తే పరిభజ్జిత్వాతి అధిప్పాయో.

వేరోచనఅసురిన్దసుత్తవణ్ణనా నిట్ఠితా.