౫. అనోమసుత్తవణ్ణనా

౪౫. అనోమనామన్తి అనూననామం. గుణనేమిత్తికాని ఏవ హి భగవతో నామాని. గుణానఞ్చస్స పరిపుణ్ణతాయ అనూననామన్తి ఆహ ‘‘సబ్బగుణసమన్నాగతత్తా’’తిఆది. అపిచ తథా తేవిజ్జో, ఛళభిఞ్ఞోతిఆదీని నామాని అనోమనామాని న హోన్తి పరిచ్ఛిన్నవిసయత్తా, భగవతో పన సత్థా, సబ్బఞ్ఞూ, సమ్మాసమ్బుద్ధోతిఆదీని నామాని అనోమనామాని నామ మహావిసయత్తా అనూనభావతో. తేనాహ ‘‘అవేకల్లనామ’’న్తి. ఖన్ధన్తరాదయోతి ఖన్ధవిసేసాదికే. ఞాణేన యాథావతో అరణీయట్ఠేన అత్థే. అన్వయపఞ్ఞాధిగమాయాతి లోకుత్తరపఞ్ఞాపటిలాభాయ. పటిపదన్తి సమథవిపస్సనాపటిపదం. కిలేసకామానం వసేన అల్లీయితబ్బట్ఠేన కామా ఏవ ఆలయో. అతీతకాలేయేవ కమనతం గహేత్వా వుత్తం ‘‘కమమాన’’న్తి. న ఏతరహి తదభావతోతి ఆహ ‘‘అతీతం పన ఉపాదాయ ఇదం వుత్త’’న్తి. మహానుభావతాదినా మహన్తానం.

అనోమసుత్తవణ్ణనా నిట్ఠితా.