౯. కుటికాసుత్తవణ్ణనా

౧౯. అన్తోతి కుచ్ఛిఅబ్భన్తరే. వసనట్ఠానట్ఠేనాతి వసనభావేన. కులపవేణిన్తి కులాచారం కులతన్తిం. సన్తానకట్ఠేనాతి కులసన్తతియా బన్ధనభావేన. ఏవం సబ్బపదేహి పుచ్ఛితత్థస్స అనుజాననవసేన ‘‘ఏకంసవచనే నిపాతో’’తి వుత్తం. ఆపాదికా పోసికా మాతుచ్ఛా మహాపజాపతి మాతా ఏవాతి కత్వా ‘‘పహాయ పబ్బజితత్తా’’తి అవిసేసతో వుత్తం. పహాయ పబ్బజితత్తా నత్థీతి ఆనేత్వా సమ్బన్ధో. పున మాతుకుచ్ఛివాసాదీనం అభావవచనేనేవ వట్టమ్హి బన్ధనస్స అభావో దీపితో హోతీతి న గహితో. అయం కిర దేవతా యథా పుథుజ్జనా బుద్ధానం గుణే న జానన్తి, ఏవం న జానాతి, తస్మా ‘‘మయా సన్నాహం బన్ధిత్వా’’తిఆదిమాహ.

కుటికాసుత్తవణ్ణనా నిట్ఠితా.