౫. ధమ్మికాధమ్మికపాతిమోక్ఖట్ఠపనకథా

౩౮౭. తేన పుగ్గలేనాతి తేన చుదితకేన పుగ్గలేన. సా విపత్తీతి సీలవిపత్తిఆదిసఙ్ఖాతా సా విపత్తి. సఞ్ఞాఅమూలికవసేనాతి ‘‘కతా’’ ఇతి సఞ్ఞాయ అమూలికవసేన. కతఞ్చాతి ఏకన్తేన కతఞ్చ. అకతఞ్చాతి ఏకన్తేన అకతఞ్చ.

కోపేతుకామతాయ నేవ ఆగచ్ఛతీతి సమ్బన్ధో. తేనాతి అనాగమనాదికారణేన. ఆపజ్జతీతి పాతిమోక్ఖట్ఠపనకో ఆపజ్జతి. ఇచ్చస్సాపీతి ఇతి ఏవం అస్స పాతిమోక్ఖట్ఠపనకస్సాపి. పచ్చాదియతీతి పతి ఆదియతి, ‘‘అకతం కమ్మం, పున కాతబ్బం కమ్మ’’న్తిఆదినా పున ఆదీయతి, పున ఆరభతీతి అత్థో.