౮. ఉయ్యుత్తసేనాసిక్ఖాపదం

౩౧౧. అట్ఠమే ‘‘అభిముఖ’’న్తిఇమినా అభిసద్దస్సత్థం దస్సేతి. ‘‘ఉయ్యాతో’’తిపదస్స ఉట్ఠహిత్వా యాతోతి దస్సేన్తో ఆహ ‘‘నగరతో నిగ్గతో’’తి. ‘‘కతఉయ్యోగ’’న్తి ఇమినా ఉట్ఠహిత్వా యుఞ్జతి గచ్ఛతీతి ఉయ్యుత్తాతి దస్సేతి. ధాతూన, మనేకత్థత్తా వుత్తం ‘‘గామతో నిక్ఖన్త’’న్తి.

౩౧౪. ద్వాదస పురిసా ఇమస్స హత్థినోతి ద్వాదసపురిసో, ఆవుధో హత్థేసు ఏతేసన్తి ఆవుధహత్థా. నిన్నన్తి నిన్నట్ఠానం, పస్సతో భిక్ఖునోతి సమ్బన్ధోతి. అట్ఠమం.