౪. ఆమిససిక్ఖాపదం

౧౬౪. చతుత్థే బహుం మానం కతం యేహీతి బహుకతా. బహుకతా హుత్వా న ఓవదన్తీతి అత్థం దస్సేన్తో ఆహ ‘‘న బహుకతా’’తిఆది. ధమ్మేతి సీలాదిధమ్మే. అధిప్పాయోతి ‘‘న బహుకతా’’తిపదస్స, ఛబ్బగ్గియానం వా అధిప్పాయోతి యోజనా. ‘‘కత్తుకామోతి ఆదీన’’న్తిపదం ‘‘అత్థో’’తిపదే వాచకసమ్బన్ధో.

అసమ్మతో నామ ఠపితో వేదితబ్బోతి యోజనా. సమ్ముతిన్తి భిక్ఖునోవాదకసమ్ముతిం. పచ్ఛా సామణేరభూమియం ఠితోతి యోజనాతి. చతుత్థం.