౫. కబళవగ్గ-అత్థయోజనా

౬౧౭. ‘‘ముఖద్వార’’న్తి కమ్మస్స ‘‘అనాహటే’’తి చ ‘‘వివరిస్సామీ’’తి చ ద్వీసు కిరియాసు సమ్బన్ధభావం దస్సేతుం వుత్తం ‘‘అనాహరితే ముఖద్వార’’న్తి.

౬౧౮. సకలం హత్థన్తి పఞ్చఙ్గులిం సన్ధాయ వుత్తం.

౬౧౯. సకబళేనాతి ఏత్థ కబళసద్దేన వచనస్స అపరిపుణ్ణకారణం సబ్బమ్పి గహేతబ్బం.

౬౨౦. పిణ్డుక్ఖేపకన్తిఆదీసు విచ్ఛత్థే కపచ్చయోతి ఆహ ‘‘పిణ్డం ఉక్ఖిపిత్వా ఉక్ఖిపిత్వా’’తి. త్వాసద్దేన కిరియావిసేసనభావం దస్సేతి.

౬౨౪. ‘‘అవకిరిత్వా’’తి ఇమినా సిత్థావకారకన్తి ఏత్థ అవపుబ్బో కిరధాతుయేవ, న కరధాతూతి దస్సేతి.

౬౨౬. ‘‘చపుచపూ’’తి ఏవం సద్దన్తి ‘‘చపుచపూ’’తి ఏవం అనుకరణరవన్తి. పఞ్చమో వగ్గో.