౩. తతియపాటిదేసనీయసిక్ఖాపదం

౫౬౨. తతియే ‘‘ఉభతో’’తి ఏత్థ కరణత్థే తోతి ఆహ ‘‘ద్వీహీ’’తి. ‘‘ఉభతోపసన్న’’న్తి బ్యాసోపి సమాసోపి యుత్తోయేవ, సమాసే తోపచ్చయస్స అలోపో హోతి. ‘‘ఉభతో’’తిపదస్స సరూపం దస్సేతుం వుత్తం ‘‘ఉపాసకేనపి ఉపాసికాయపీ’’తి. కస్మా ఉభతో పసన్నం హోతీతి ఆహ ‘‘తస్మిం కిరా’’తిఆది. యస్మా తస్మిం కులే…పే… సోతాపన్నాయేవ హోన్తి కిర, తస్మా ‘‘ఉభతోపసన్న’’న్తి వుత్తం హోతి. ‘‘సచేపీ’’తి ఏత్థ పిసద్దేన అసీతికోటిధనతో అధికమ్పి సమ్పిణ్డేతి. హాయనస్స కారణం దస్సేతి ‘‘యస్మా’’తిఆదినా.

౫౬౯. ‘‘ఘరతో నీహరిత్వా’’తి ఏత్థ ‘‘నీహరిత్వా’’తి పదస్స కమ్మం దస్సేతుం వుత్తం ‘‘ఆసనసాలం వా విహారం వా’’తి. ‘‘ఆనేత్వా’’తిఇమినా నీపుబ్బహరధాతుయా అత్థం దస్సేతి. ద్వారేతి అత్తనో గేహద్వారేతి. తతియం.