౩. పేసుఞ్ఞసిక్ఖాపదం

౩౬. తతియే ‘‘జాతభణ్డనాన’’న్తి వత్తబ్బే అగ్యాహితోతిఆదీసు వియ విసేసనపరనిపాతవసేన ‘‘భణ్డనజాతాన’’న్తి వుత్తన్తి ఆహ ‘‘సఞ్జాతభణ్డనాన’’న్తి. ‘‘పుబ్బభాగో’’తి వత్వా తస్స సరూపం దస్సేతి ‘‘ఇమినా చ ఇమినా చా’’తిఆదినా. విరుద్ధం వదతి ఏతేనాతి వివాదో, విగ్గాహికకథా, తం ఆపన్నాతి వివాదాపన్నా, తేసం. పిసతి సఞ్చుణ్ణేతీతి పిసుణో, పుగ్గలో, తస్స ఇదన్తి పేసుఞ్ఞం, వచనన్తి అత్థం దస్సేన్తో ఆహ ‘‘పేసుఞ్ఞన్తి పిసుణవాచ’’న్తి.

౩౭. భిక్ఖుపేసుఞ్ఞేతి భిక్ఖూనం సన్తికం ఉపసంహటే పేసుఞ్ఞవచనేతి ఛట్ఠీసమాసో.

౩౮. ‘‘దిస్వా’’తి పదం ‘‘భణన్తస్సా’’తి పదే పుబ్బకాలకిరియా, దస్సనం హుత్వాతి అత్థో. తతియం.