౧౮. నగ్గనిద్దేసవణ్ణనా

౧౬౬. ‘‘న త్వేవ నగ్గేన ఆగన్తబ్బం, యో ఆగచ్ఛేయ్య, ఆపత్తి దుక్కటస్సా’’తి (పారా. ౫౧౭) వుత్తత్తా (చూళవ. ౨౬౧;) ‘‘నగ్గో మగ్గం న వజే’’తి వుత్తం.

౧౬౭. పటిచ్ఛాదిసూతి ‘‘తేన ఖో పన సమయేన భిక్ఖూ జన్తాఘరేపి ఉదకేపి పరికమ్మం కాతుం కుక్కుచ్చాయన్తి. అనుజానామి, భిక్ఖవే, తిస్సో పటిచ్ఛాదియో జన్తాఘరప్పటిచ్ఛాదిం ఉదకప్పటిచ్ఛాదిం వత్థప్పటిచ్ఛాది’’న్తి ఏవం వుత్తాసు తీసు పటిచ్ఛాదీసూతి అత్థో. దువేతి ఏతాసు తీసు పటిచ్ఛాదీసు ఉదకజన్తాఘరప్పటిచ్ఛాదియో పరికమ్మే కప్పన్తీతి అధిప్పాయో. వత్థచ్ఛాదీతి వత్థప్పటిచ్ఛాది. సబ్బత్థాతి ఖాదనీయసాయనీయాదీసు సబ్బకమ్మేసు కప్పియాతి అత్థో. నగ్గవినిచ్ఛయో.

నగ్గనిద్దేసవణ్ణనా నిట్ఠితా.