౨. దుతియానియతసిక్ఖాపదవణ్ణనా

సఙ్ఘాదిసేసేన వాతి కాయసంసగ్గదుట్ఠుల్లోభాసనేన. తస్మా ఏవం కాయసంసగ్గవారో పాళియమ్పి వుత్తో. అనన్ధో అబధిరోతి అనన్ధో కాయసంసగ్గం పస్సతి, అబధిరో దుట్ఠుల్లం సుణాతి, తస్మా ఏవ అదిన్నాదానసదిసానేవాతి వుత్త’’న్తి లిఖితం. ఏత్థ చ కాయవాచాచిత్తతో సముట్ఠానం కథన్తి చే? కాయసంసగ్గఞ్హి సమాపజ్జన్తో దుట్ఠుల్లమ్పి భణతి, దుట్ఠుల్లం భణన్తో నిసీదతి చాతి సమ్భవతి, దుట్ఠుల్లమేవ వా సన్ధాయ వుత్తం. తఞ్హి అదిన్నాదానసముట్ఠానన్తి.

యో దేసనం సబ్బవిదూపమోవ;

నానానయాకారవిచిత్తభేదం;

ఞాతుం ఉపాయాన మనో సతిమా;

తం లాభహేతుం న కరోతి పుఞ్ఞన్తి.

దుతియానియతసిక్ఖాపదవణ్ణనా నిట్ఠితా.

అనియతవణ్ణనా నిట్ఠితా.