౨. దుతియానియతసిక్ఖాపదవణ్ణనా

దుతియే ఇత్థీపి పురిసోపి యో కోచి విఞ్ఞూ అనన్ధో అబధిరో అన్తోద్వాదసహత్థే ఓకాసే ఠితో వా నిసిన్నో వా విక్ఖిత్తోపి నిద్దాయన్తోపి అనాపత్తిం కరోతి. బధిరో పన చక్ఖుమాపి, అన్ధో వా అబధిరోపి న కరోతి. పారాజికాపత్తిఞ్చ పరిహాపేత్వా దుట్ఠుల్లవాచాపత్తి వుత్తాతి అయం విసేసో. సేసం పురిమనయేనేవ వేదితబ్బం. సముట్ఠానాదీని పనేత్థ అదిన్నాదానసదిసానేవాతి.

దుతియానియతసిక్ఖాపదవణ్ణనా నిట్ఠితా.

ఉద్దిట్ఠా ఖోతిఆది సబ్బత్థ వుత్తనయేనేవ వేదితబ్బం.

కఙ్ఖావితరణియా పాతిమోక్ఖవణ్ణనాయ

అనియతవణ్ణనా నిట్ఠితా.