౩. గణపరిభాసనసిక్ఖాపదవణ్ణనా

తతియే చణ్డికతాతి కుద్ధా. గణన్తి భిక్ఖునిసఙ్ఘం. పరిభాసేయ్యాతి ఏత్థ ‘‘బాలా ఏతా అబ్యత్తా ఏతా, నేతా జానన్తి కమ్మం వా కమ్మదోసం వా కమ్మసమ్పత్తిం వా కమ్మవిపత్తిం వా’’తి ఏవం యత్థ కత్థచి పరిభాసన్తియా పాచిత్తియం.

సావత్థియం థుల్లనన్దం ఆరబ్భ గణం పరిభాసనవత్థుస్మిం పఞ్ఞత్తం, సమ్బహులా వా ఏకం వా అనుపసమ్పన్నం వా పరిభాసన్తియా దుక్కటం. సేసం దుతియసదిసమేవాతి.

గణపరిభాసనసిక్ఖాపదవణ్ణనా నిట్ఠితా.