౧. నగ్గసిక్ఖాపదవణ్ణనా

నగ్గవగ్గస్స పఠమే నగ్గాతి అనివత్థా వా అపారుతా వా. ఏవఞ్హి నహాయన్తియా సబ్బప్పయోగేసు దుక్కటం, నహానపరియోసానే పాచిత్తియం.

సావత్థియం సమ్బహులా భిక్ఖునియో ఆరబ్భ ఏవం నహానవత్థుస్మిం పఞ్ఞత్తం, ఉదకసాటికచీవరే అచ్ఛిన్నే వా నట్ఠే వా, ‘‘మహగ్ఘం ఇదం దిస్వా చోరాపి హరేయ్యు’’న్తి ఏవరూపాసు ఆపదాసు వా నహాయన్తియా, ఉమ్మత్తికాదీనఞ్చ అనాపత్తి. నగ్గతా, అనుఞ్ఞాతకారణాభావో, నహానపరియోసానన్తి ఇమానేత్థ తీణి అఙ్గాని. సముట్ఠానాదీని ఏళకలోమసదిసానీతి.

నగ్గసిక్ఖాపదవణ్ణనా నిట్ఠితా.