౪. చతుక్కనిద్దేసవణ్ణనా

౯౩౯. ఏవం-సద్దేనాతి నిదస్సనత్థేన ఏవం-సద్దేనాతి అధిప్పాయో. భవో ఏవ అభివుద్ధో అభవో యథా ‘‘అసేక్ఖా ధమ్మా’’తి (ధ. స. తికమాతికా ౧౧). దుతియస్మిం పక్ఖే భవాభవసద్దేన సమ్పత్తివిపత్తియో, వుద్ధిహానియో వా వుత్తాతి వేదితబ్బా.

అగతియాతి అయుత్తగతియా, అప్పతిరూపకిరియాయాతి అత్థో.

కోధూపాయాస…పే… మాతుగామా వా ఊమిఆదిభయన్తి యోజనా. పఞ్చకామగుణమాతుగామగ్గహణేతి పఞ్చకామగుణగ్గహణే, మాతుగామగ్గహణే చ.

‘‘సయంకతం సుఖదుక్ఖ’’న్తిఆదికా దిట్ఠి యదిపి అఞ్ఞేసమ్పి దిట్ఠిగతికానం అత్థేవ, తిమ్బరుకో పన తథాదిట్ఠికో భగవన్తం ఉపసఙ్కమిత్వా పుచ్ఛీతి సా దిట్ఠి ‘‘తిమ్బరుకదిట్ఠీ’’తి (సం. ని. ౨.౧౮) వుత్తా. తేనాహ ‘‘తిమ్బరుకో…పే… ఆగతత్తా’’తి.

చతుక్కనిద్దేసవణ్ణనా నిట్ఠితా.